Oilagorrak saltsan

JON URBE / FOKU.
Iker Markinez.
2020ko azaroaren 28a
00:00
Entzun
OSAGAIAK4 LAGUNENTZAT

4 oilagor.
2 tipula eder.
2 azenario.
2 Errezil sagar.
Litro erdi ardo beltz.
Oporto basokada bat.
Piper beltza.
Gatza.
Oliba olioa.

1. Oilagorrak lumatu eta ongi garbitu lehenik.

2. Gero, lapiko handi batean, oliba olio txorrota batekin ongi gorritu, su bizian. Ondoren, azenarioa, Errezil sagarra eta tipula ere txikituta gehitu lapiko horretara, beste olio txorrotada batekin, gatza eta piper beltz xehatuarekin batera. Lapikora gehitu barazki horiek ere, lortu behar da ahalik eta ondoen gorritzea, erre gabe, noski. Barazkien gorritasun horrek emango dio bukaerako saltsari behar duen indarra, kolorea eta zaporea.

3. Osagaiak gorrituta direnean, sua bizitu eta jarraian ardoa eta Oportoa gehitu, eta hamar bat minutuz irakiten eduki. Horrela, ardoaren alkohola lurrindu egingo da. Lapikora ura bota, oilagorrak ondo estali arte. Beste gatz pixka bat bota, eta bi orduz egosi, oraingoan su ertainean.

4. Horrela, oilagorrak beste lapiko batera atera, kontu handiz. Aurreko lapikoan gelditu diren osagai guztiak txinotik pasatu, eta oilagorrak dauden lapikora bota. Azkenik, lapiko hori berriro sutan jarri, oilagorrak bigunak daudela ziurtatu arte. Denbora ezin da zehaztu, oilagorrenaraberakoa baita (tamaina, adina...).
Iruzkinak
Ez dago iruzkinik

Ordenatu
0/500
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.