Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

ERREZETA

Udaberriko barazki panatxea

BERRIA Tamaina handiagoan ikusi

Iker Markinez - Kuko jatetxea, Ormaiztegi

2020ko apirilak 25

OSAGAIAK 4 LAGUNENTZAT
Nafarroako 8 zainzuri fresko.
250 g ilar.
2 zerba orrimami.
2 azenario.
Piper berde 1.
Baratxuri aleak.
Oliba olioa.
Gatza.

1. Lehenik, barazkiak garbitzen hasiko gara, eta beharrezkoak zuritzen. Zainzurien behealdean —zuztarraldean— bost bat zentimetroko pusketa moztuko dugu. Ondoren, patatak zuritzeko tresnarekin, zainzuria erditik behera ongi zuritu. Lan hori ondo egitea komeni da, bestela jaterakoan haritxoak nabarituko baitira. Ondo garbitu.

2. Urez beteriko lapiko handi bat sutan berotzen jarri, gatz eta azukre pixka batekin. Irakiten hastean, zainzuriak bota bertara, eta hamabost bat minutuz irakiten eduki. Sua itzali, eta bertan utziko ditugu hoztu bitartean, gutxi gorabehera pare bat orduz.

3. Beste lapiko bat urez bete, gatz pittin bat bota, eta, ura irakiten hastean, zerba orrimamiak bertara bota, egosteko. Hogei minutuz eduki irakiten, eta, jarraian, ur hotzetatik pasatu freskatzeko. Gorde.

4. Azenarioak ere laukietan moztuak egos ditzakegu, ur berean nahi izanez gero, baina ez orrimamiekin batera. Horiek zortzi bat minutuz egosi. Atera eta gorde.
Ondoren, ilarrak beste zortzi bat minutuz egosi, eta horiek ere freskatu ondoren, gorde.

5. Baratxuri aleak zuritu, pare bat, eta juliana moduan fin-fin moztu. Piper berdearekin ere gauza bera egin.

6. Zartagin zabal batean, lehenik oliba olio txorrotada bat bota, su ertainean jarri, eta, jarraian, piper berdea bertan jarri. Minutu pare bat pasatu ondoren, baratxuria gehitu; horiek gorritzen hasten direnean, egosirik ditugun barazki guztiak gehituko dizkiogu, denak zainzuriak izan ezik. Zartaginean mantendu, sua bizitu, eta pare bat minutuz barazkiak ongi nahastu.

7. Ondoren, zainzuriak erditik moztu, eta zartaginera gehitu. Beste pare bat minutuz zartaginean mantendu, eta prest da panatxea.

Zorteko bagara, eta udaberriko ziza bat etxean izanez gero —nahiko zaila egoera honetan—, platereko osagaien gainetik gordinik birrindu. Zizaren usain eta zaporeak sekulako ukitua emango dio.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Darth Vader eta haren soldaduak, Antiguatik udaletxera bidean. ©BERRIA

Elkartasunaren indarra lagun

Jakes Goikoetxea

'Star Wars' filmen sagako pertsonaien erakusketa eta desfilea egin dituzte Donostian. Zaleen Pink Force fundazioak antolatu ditu, Gipuzkoako Odol Emaileen Elkartearen alde.
 ©IÑIGO URIZ / FOKU

«Elkarte askotan konpromisorako urratsa egitea kostatzen da»

Iker Tubia

Pedagogia aktiboaren bueltan aritu da Bobes; batez ere, hezkuntza araututik kanpo. Emakumeen ahalduntzerako herri kultur-zentroetan aritu da jo eta su, eta hamaika elkartetan. Emakumeez, feminismoaz, ibilitakoaz eta erronkez mintzatu da.
 ©JAGOBA MANTEROLA / FOKU

«Entzundako zerbaitek norbaiti balio baldin badio, zoragarri»

Jakes Goikoetxea

Hamabi bideo elkarrizketako proiektu bat abiatu du, aurrera egiteko tresnak bilatzeko asmoz, besteek egindako bidetik ikasteko asmoz. Enpatian eta konfiantzan oinarritutako solasaldiak dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.