Albistea entzun

ERREZETA

Legatza plantxan, barazkiekin

JUANAN RUIZ / ARGAZKI PRESS

Iker Markinez - Kuko jatetxea, Ormaiztegi

2017ko urtarrilak 14

osagaiak

4 LAGUNENTZAT

Legatza, 200 gramoko 4 xerra, azalarekin

Tipula bat

Tomate bat

Kuia txiki bat

Ziazerba sorta bat

Oliba olio birjina

Hiru baratxuri ale

Limoi erdi baten zukua

Gatza

1

Lehenik, barazkiekin hasi. Tipula xerra finetan moztu, eta zartagin batean oliba olio zorrotada baten laguntzaz erregosi, 10 bat minutuz, gatz pittin batekin. Kuia txikia ere puska txikietan xehatu, eta hori ere tipulari gehitu.

2

Bitartean, lapiko batean, irakiten ari den uretan tomatea galdarraztatu. Atera bezain pronto, azala eta haziak kendu, eta dado txikietan zatitu. Jarraian, tipula erregosten ari den zartaginera gehitu.

3

Zartagin bat edo plantxa sutan berotzen jarri, eta ondo berotutakoan legatz solomoak bertan jarri, azala gorantz dutela. Oliba olio eta gatz pittin bat bota, eta lau bat minutuz eduki. Ondoren, buelta eman, eta beste hiru bat minutuz eduki.

4

Bitartean, jarri berotzen beste zartagin bat, olio zorrotada batekin. Baratxuriak xerra finetan moztu, eta zartaginera gehitu. Gorritzen hasten direnean, ziazerba sorta eta aurrez prestaturiko tomatea eta tipula erregosia gehitu .

5

Legatza zartagin horretan jarri, eta sua kendu. Tapa batez estali zartagina, eta minutu batez atsedenean utzi. Atseden horretan legatzak bere zukua askatzen du, eta barazkiei gustu ederra emango die.

6

Mahaian zerbitzatzeko, plater bakoitzean legatz xerra bana ipini, ondoan barazki sorta batekin. On egin!

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Ibarruri oso harro sentitu zen beti bere euskal erroez»

Amaia Igartua Aristondo

Dolores Ibarruri 'Pasionaria'-ren biografia bat argitaratu berri du, haren artxibo pertsonalean oinarritutakoa: 'No pasarán'. XX. mendearen zati handi bat zeharkatzen du bizkaitarraren bizitzak.
EPICA ikerketan 2.872 metroko sakoneratik ateratako izotz lagina, 2002-2003an. ©LAURENT AUGUSTIN/CNRS PHOTOTHQUE

Izotzik zaharrena nahi dute

Jakes Goikoetxea

Beyond EPICA ikerketa proiektua Antartikan lanean ari da, izotza zulatu eta duela 1,5 milioi urtera arteko izotz lagina ateratzeko. Laginari esker, klimaren bilakaera ezagut dezakete.

Andres Urrutia euskaltzainburua eta Gaizka Aranguren kazetaria, <em>Ezina ekinez egina</em> saioan. ©BERRIA

Euskararen historiari buruzko saioa gaur ETB1en: 'Ezina ekinez egina'

Enekoitz Telleria Sarriegi

Gaizka Arangurenek aurkeztuko du. EITBk bat egingo du Euskararen Nazioarteko Egunarekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.