ERREZETA

Txitxarroa plantxan piper erre, tipula eta gari zainzuriekin

JON URBE / ARGAZKI PRESS

Iker Markinez - Kuko jatetxea, Ormaiztegi

2017ko maiatzak 6
4 LAGUNENTZAT

Txitxarro handi bat

Pipermorro bat

Tipula gorri bat

Gari zainzuri sorta bat

Gatza

Oliba olioa

Ozpina

1. Lehenik, piperrada prestatzen hasiko gara. Horretarako, moztu pipermorroa eta tipula juliana eran, eta lapiko batean, olio zurrusta eta gatz pitin batekin, su motelean erregosi, 30 minutuz.

2. Ez estali lapikoa taparekin, horrela lurruna kanporatu egingo da, eta horrek barazkiei zapore eta kolore biziagoak mantentzen lagunduko die.

3. Lapiko batean, ura irakiten ipini gatz pittin batekin, eta gari zainzuriak bost bat minutuz egosi.

4. Jarraian, ur hotzean sartu, eta gorde.

5. Txitxarroa bi xerratan moztu, eta erdiko hezurrak kendu.

6. Xerra bakoitzari dituen hezurtxoak poliki-poliki eta ongi kendu, horrela ahalik eta garbiena uzteko. Xerra bakoitza 6 zatitan moztu.

7. Zartagin bat su bizian berotzen jarri, oliorik bota gabe. Ondo beroa dagoenean, txitxarro xerra txikiak jarri, azala zartagin aldera daudela; gatz pitin bat eta olio pixka bat gainetik bota.

8. Ukitu gabe, pare bat minutuz eduki, azala gorritu arte.

9. Ondoren, buelta eman, eta prestatu ditugun piperrak, gari zainzuri eta tipula gainean jarriko ditugu.

10. Beste oliba olio zurrusta bat bota, baita ozpin pixka bat ere.

11. Sua itzali, tapa batekin estali, eta pare bat minutuz utzi bertan, arraina barazkiekin gozatu dadin, sua itzalirik.

12. Zerbitzatzeko, plater bakoitzean hiru bat txitxarro puska jarri, eta barazkia gainetik gehitu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna