Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

ERREZETA

Piper berdeak onddoz beteak

ANDONI CANELLADA / ARGAZKI PRESS

Iker Markinez - Kuko Jatetxea, Ormaiztegi

2015eko martxoak 7

1

Lehenik, bexamela prestatzen hasiko gara. Horretarako, lapiko batean olio zurrusta bat ipiniko dugu berotzen, eta hiru koilarakada irin gehituko. Ondo nahastu, eta esnea (aurrez berotua) botako dugu poliki-poliki lapikora, etengabe nahastuz, bexamel krematsua lortu arte. Gatz pitin bat gehitu, bai eta piper hauts beltza ere.

2

Hurrengo pausoan, onddoak prestatuko ditugu. Horiek puska txikietan moztu, eta zartagin batean erregosiko ditugu, olio eta gatz pixka batekin, bost bat minutuz. Zartagineko onddo gehienak bexamelera gehitu, eta batzuk zartaginean bertan gorde.

3

Bexamela ongi nahastu, onddoek eta bexamelak bat egiteko.

4

Ondoren, onddoekin dugun zartagina sutan jarri berriro; esne gaina gehitu, ongi irakin eta horrela saltsa egina izango dugu plateraren bukaerarako.

5

Piperrak garbituko ditugu jarraian, eta haziak egoten diren lekutik txortena moztuko dugu, zulotxo bat eginez. Ondoren, frijitu egingo ditugu, kontu handiz, puska ez daitezen, hiru minutu inguruan.

6

Erretilu batean gorde, eta hozten utzi. Piperrak hoztean, koilara baten laguntzaz, bexamelez bete, eta labeko erretilu batean jarri.

7

Jarraian, labea berotu, eta han sartu bost minutuz, 190 gradutan. Ateratakoan, platerean jarri piperrak, eta hornigai moduan, zartaginean dugun onddo saltsa gainetik bota.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Egin kontu: ez daukat gonarik, ez mototsik, baina liburuzaina naiz»

Enekoitz Telleria Sarriegi

Topikoen kontrako borrokaz eta liburutegien egiteko berriez ari da Juarez. Muskizko liburuzaina da, eta haien elkarteko burua. 30 urte bete ditu elkarteak berriki. 'Antolatzearen diziplina' liburua itzuli dute.
1 ©JAIZKI FONTANEDA / @FOKU

Olibak jaso, olioa egiteko

Amaia Ramirez de Okariz Kortabarria

Euskal Herrian ere badira olibondoak eta badago oliba olioa. Nekazariak eta dolareetako langileak buru-belarri dabiltza lanean azken asteetan, aurten jasotako uzta olio bihurtzen.
Netflix Euskaraz herri mugimenduaren agerraldia, Durangon, apirilaren 17an. ©ENDIKA PORTILLO / FOKU

Atzerriko plataformek ez dute kuotarik bete beharko

Urtzi Urkizu

Espainiako ikus-entzunezkoen lege berria onartu du Espainiako Ministroen Kontseiluak. ERCk zuzenketak aurkeztuko ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.