4 LAGUNENTZAT
Kilo bat basurde haragi garbi
Azenario handi 1
2 tipula
Porru erdia
3 baratxuri ale
Errezil sagar bat
Oporto basokada bat
Litro erdi ardo beltz
Gatza
Oliba olioa
Piperrauts beltza
3 koilarakada irin
1
Lehenik, basurde haragia tako berdinetan moztuko dugu. Gatza eta piperrauts beltzaz hornitu, eta lapiko batean gorritzen jarriko dugu, su bizian, oliba olio zorrotada batekin.
2
Bitartean, puska ertainetan moztu baratxuriak eta barazkiak, eta, basurdea gorritua dugunean, lapikora gehituko ditugu: baratxuria, errezil sagarra, tipula, azenarioa eta porruak.
3
Su ertainera jaitsi, eta 15 minutuz gorritzen eduki dena batera. Oso garrantzitsua da lapikoan ditugun osagai guztiak ongi gorritzea. Horretan baitago saltsa koloretsu eta zaporetsu baten sekreturik handiena.
4
Ondoren, gehitu oporto basokada bat eta litro erdi ardo beltz. Irakin, ia ardo guztia lurrindu arte.
5
Jarraian, urez bete lapikoa, haragi puska guztiak estali arte. Gehitu gatz pitin bat gehiago, eta eduki irakiten, hiru bat orduz, taparik gabe. Norbaitek lapiko azkarrean egin nahiko balu, ez dago arazorik; kasu horretan, 25 minuturekin nahikoa izango litzateke.
6
Lapikoan ditugun haragi zati guztiak, banan-banan beste lapiko batera pasako ditugu sardexka baten laguntzaz. Txino baten lagutzaz, pasatu lapikoan gelditu diren barazkiak, eta bota haragia dugun lapikora.
7
Azkenik, su oso motelean irakiten eduki hamar bat minutuz, eta prest izango dugu gisatu goxoa dastatzeko, bero-beroa.