ERREZETA

Legatza barazkiekin, papillote erara

JAGOBA MANTEROLA / ARGAZKI PRESS

Iker Markinez - Kuko Jatetxea, Ormaiztegi

2017ko azaroak 18

osagaiak

4 LAGUNENTZAT

Legatza, 400 g garbi.

Azenario 1.

Porru 1.

Kuia txiki 1.

12 cherry tomate.

Oliba olioa.

Gatza.

Laberako paper berezia.

1. Errezeta hau prestatzeko osagaiak ez dira betiko moduan kozinatzen. Beraz, lehenik, garbitu barazki guztiak, eta juliana fin batean moztuko ditugu, banan-banan.

2. Legatz puska bakoitza beste bi edo hiru zati txikiagotan moztu.

3. Cherry tomateak ere erditik moztu.

4. Laberako paper berezia hartu, eta puska handitan moztu. Lau pertsonarentzat, kalkulatu bakoitzarentzako paper puska handi bat izango dela. Pertsona bakoitzarentzako paperaren erdian, lehenik, ipini barazkiak, azpialdean banaturik eta guztiak gordinik.

5. Gatz pitin bat bota, eta jarri cherry tomateak barazkien gainean, ilaran.

6. Ondoren, legatz puskei gatza bota, eta tomateen gainean jarri.

7. Oliba-olio zorrotada fin batez busti osagai guztiak, eta, osagaien gainetik papera tolestuz, gozoki estalkien itxura eman paketetxoei.

8.Oso garrantzitsua da, paper paketetxoak hermetikoak balira bezala itxita egotea. Horrela, egosketako lurrun guztia barruan geldituko da, eta horrek zapore indar handia emango dio.

9. Labea aurrez berotzen jarri, 180 gradutan, eta, bero dagoenean, labean sartu. Hamar bat minutuz bertan edukitzearekin nahikoa izango da.

10. Denbora pasatu ostean, atera, eta zerbitzatzeko prest izango dira.

11. Ondoren, ipini platerean. Guraizeak erabiliz, moztu goiko aldeko papera; horrela, osagaiak bistan izango ditugu, jateko prest.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna