Albistea entzun

ERREZETA

Mascarpone tarta karamelu saltsarekin

JUANAN RUIZ / ARGAZKI PRESS

Iker Markinez - Kuko Jatetxea, Ormaiztegi

2016ko abenduak 3

osagaiak

Tartaren oinarria (hostopilezko xafla bat).

Esne gaina: 200 ml

Mascarpone gazta: 200 g

Pastel krema: kazokada bat (aurrez prestatu behar da).

Azukrea: 100 g

Saltsarako:

Azukrea: 100 g

Esne gaina: basokada bat

1

Lehenengo eta behin, karamelu saltsa prestatu. Horretarako, azukrea zartagin batean ipini, su motelean berotzen, karamelua lortu arte. Kontuz ibili gehiegi erre gabe!

2

Tartaren oinarrirako, erositakoa edo etxean egindakoa erabil daiteke. Gaurkoan, erositakoa izango da, hostopilezko xafla bat, hain zuzen ere.

3

Oinarri hori laberako egokia den molde batean ipini. Aluminio papera jarri gainean, eta garbantzu batzuk paperaren gainean, pisu modura. Aurrez, labea berotu, eta 20 minutuz 180 graduan egosi. Labetik atera, eta hozten utzi behar da.

4

Ontzi batean esne gaina eta azukrea batera nahastu, eta, ondo irabiatu ondoren, altxatu eta esne gaina gogortu egingo da.

5

Beste ontzi batean, ondo nahastu Maskarpone gazta eta pastel krema kazokada. Ondoren, esne gain harrotua gehitu. Poliki poliki nahastu. Maskarpone gazta lortzeko arazorik edukiz gero, Philadelphia edo antzeko gaztaren bat erabil daiteke.

6

Lortutako gazta krema hori labetik ateratako moldean bertan dagoen oinarrian zabaldu, eta hozkailuan ordu pare batez hozten utzi.

7

Ondoren, errazioka moztu, eta aurretik prestatutako karamelu saltsarekin apaindu norberaren gustura.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / @FOKU

«Galtzen ari den lan bat azaleratu nahi dut»

Enekoitz Telleria Sarriegi

Ontzi bat da, esamolde bat da, eta arrantzalearen azalean jarri nahi bat da 'Axalian'. Izen hori jarri dio Ortolaizek Zarauzko Photomuseumen paratu duen erakusketari: «Mundu eder bat da itsasoa».
Jon Mirande, eskuinean, Bretainiar Elkartearen Saria ekitaldian, 1969. ©Z / EZEZAGUNA

De viris illustribus: Jon Mirande bretainiarra

Miel A. Elustondo

Euskaraz baino lehen ikasi zuen bretoieraz Jon Mirandek Parisen. Euskaldunak lagun egin baino lehen, bretainiarrak egin zituen adiskide. «Gazte haien karra! Askok ez zekiten haurretatik beren herriaren hizkuntza, baina ikasi zuten eta bretoieraz ari dira beti. Guk, aldiz...», idatzi zuen. Goulven Pennaod bretainiarrarena dugu jakilegoa, Txomin Peillenek 1976an bildua.

 ©MARISOL RAMIREZ / FOKU

«Zorroztasuna funtsezkoa da kazetaritzan»

Urtzi Urkizu

Arabako, Bizkaiko eta Gipuzkoako kazetarien elkargoko dekano eta Euskal Kazetarien Elkarteko presidente izendatu dute Goikoetxea. Dioenez, kazetariek baldintza onak behar dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.