Albistea entzun

ERREZETA. OSAGAIAK

Usoak saltsan

JUAN CARLOS RUIZ / ARGAZKI PRESS

Iker Markinez - Kuko Jatetxea, Ormaiztegi

2015eko azaroak 7

4 uso.

2 tipula eder.

2 azenario.

2 Errezil sagar.

Litro erdi ardo beltz.

Oporto basokada bat.

Piper beltza.

Gatza.

Oliba olioa.

1

Usoak ongi garbituko ditugu lehenik.

2

Ondoren, lapiko handi batean, oliba olio txorrotada batekin ongi gorrituko ditugu sutan. Azenario, errezil sagarrak eta tipulak ere txikituta gehituko ditugu lapiko horretara, beste olio txorrotada batekin, gatza eta piper beltz xehetua emanda.

3

Kontuan hartu orain egin behar dugun pauso hau errezeta honen sekretuetako bat dela. Hau da, behar-beharrezkoa da lapikoan ditugun osagai hauek ahalik eta ondoen gorritzea; erre gabe, noski. Gorritasun horrek emango baitio bukaerako saltsari behar duen indarra.

4

Osagaiak gorrituta dauzkagunean, sua bizitu, eta jarraian ardoa eta oportoa gehitu eta hamar bat minutuz irakiten eduki. Horrek ardoaren alkohola lurrindu egingo du.

5

Lapikora ura gehituko dugu, usoak ondo estali arte. Beste gatz pixka bat bota, eta bi orduz egosi, su ertainean.

6

Denbora hori pasatu ostean, usoak kontu handiz beste lapiko batera aterako ditugu.

7

Aurreko lapikoan gelditu zaizkigun osagai guztiak txinotik pasatu, eta usoak jarritako lapikora bota ondoren.

8

Azkenik, lapiko hori berriro sutan jarriko dugu, usoak bigunak daudela ziurtatu arte. Denbora ezin dizuet zehaztu, usoen araberakoa baita hori (tamaina, adina...).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MARISOL RAMIREZ / FOKU

«Zorroztasuna funtsezkoa da kazetaritzan»

Urtzi Urkizu

Arabako, Bizkaiko eta Gipuzkoako kazetarien elkargoko dekano eta Euskal Kazetarien Elkarteko presidente izendatu dute Goikoetxea. Dioenez, kazetariek baldintza onak behar dituzte.
 ©GORKA RUBIO / @FOKU

«Galtzen ari den lan bat azaleratu nahi dut»

Enekoitz Telleria Sarriegi

Ontzi bat da, esamolde bat da, eta arrantzalearen azalean jarri nahi bat da 'Axalian'. Izen hori jarri dio Ortolaizek Zarauzko Photomuseumen paratu duen erakusketari: «Mundu eder bat da itsasoa».
Jon Mirande, eskuinean, Bretainiar Elkartearen Saria ekitaldian, 1969. ©Z / EZEZAGUNA

De viris illustribus: Jon Mirande bretainiarra

Miel A. Elustondo

Euskaraz baino lehen ikasi zuen bretoieraz Jon Mirandek Parisen. Euskaldunak lagun egin baino lehen, bretainiarrak egin zituen adiskide. «Gazte haien karra! Askok ez zekiten haurretatik beren herriaren hizkuntza, baina ikasi zuten eta bretoieraz ari dira beti. Guk, aldiz...», idatzi zuen. Goulven Pennaod bretainiarrarena dugu jakilegoa, Txomin Peillenek 1976an bildua.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.