Albistea entzun

ERREZETA

Txokolatezko boilur tarta

JON URBE / ARGAZKI PRESS

Iker Markinez - Kuko Jatetxea, Ormaiztegi

2016ko martxoak 5

OSAGAIAK

Bizkotxorako :

4 arrautz gorringo

4 arrautz zuringo

6 koilarakada azukre

4 koilarakada irin

gurina

Txokolate mousserako:

400 cl esne gain

250 g txokolate beltz

100 g azukre

50 g gurin

1. Lehenik, bizkotxoa egiteko, labea berotzen jarri, 180 gradutan. Bi ontzi hartu; batean, arrautza gorringoak jarri, eta bestean, zuringoak.

2. Gorringoetan, lau koilarakada azukre gehitu, eta bost minutuz etengabe irabiatu, eskuz edo makinaren laguntzaz.

3. Ondoren, arrautza zuringoak harrotzen hasiko gara. Horretarako, indartsu eta etengabe irabiatu, eta, gogortzen hastean, bi koilarada azukre gehitu, eta segi eragiten.

4. Erabat gogorra dagoenean, zuringo horiek gorringoetara gehitu, poliki-poliki. Koilara handi baten laguntzaz, bi osagai horiek poliki-poliki nahastu; ondoren, lau koilarakada irin gehitu, banan-banan; ahalik eta polikien, dena nahastu, harrotasuna erabat gal ez dezan.

5. Bizkotxorako, labeko molde laukiluze bat hartu, eta gurinarekin ongi igurtzi, gero itsats ez dadin.

6. Ondoren, irin pixka bat gehitu, eta soberakina ongi kendu. Bizkotxo masa hara bota.

7. Labean sartu 25 bat minutuz. Gero, labetik atera, eta hozten utzi.

8. Txokolatezko moussa prestatzeko, esne gainaren kantitate erdia erabiliko dugu lehenik. Lapiko batera isuri, eta sutan irakiten jarri.

9. Bitartean, txokolate beltza, azukre kantitate erdia eta gurina katilu batean jarri, estali, eta mikrouhin labean minutu batez berotu. Adi, ez berotu denbora gehiagoz, erre egingo zaizue eta!

10. Esne gainak irakiten duenean, katilu horretara gehitu, eta, dena ongi nahastuz, boilur masa lortuko dugu. Hozten utzi, baina hozkailuan sartu gabe, sei bat orduz gutxi gorabehera.

11. Jarraian, erretilu bat hartu, eta oraindik erabili gabe dugun esne gaina bota, eta ongi irabiatu azukrearekin. Gehitu hoztua dugun boilurraren masa erdia. Guztia ongi nahastu.

12. Bizkotxoa erditik moztu, eta egin berria dugun moussearekin bete; ondoren, gaineko estalkian ere moussea zabaldu, eta, azkenik, horren gainean lehen gorde dugun boilur masaren erdia gainetik ipini dena ongi estaliz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Ibarruri oso harro sentitu zen beti bere euskal erroez»

Amaia Igartua Aristondo

Dolores Ibarruri 'Pasionaria'-ren biografia bat argitaratu berri du, haren artxibo pertsonalean oinarritutakoa: 'No pasarán'. XX. mendearen zati handi bat zeharkatzen du bizkaitarraren bizitzak.
EPICA ikerketan 2.872 metroko sakoneratik ateratako izotz lagina, 2002-2003an. ©LAURENT AUGUSTIN/CNRS PHOTOTHQUE

Izotzik zaharrena nahi dute

Jakes Goikoetxea

Beyond EPICA ikerketa proiektua Antartikan lanean ari da, izotza zulatu eta duela 1,5 milioi urtera arteko izotz lagina ateratzeko. Laginari esker, klimaren bilakaera ezagut dezakete.
Andres Urrutia euskaltzainburua eta Gaizka Aranguren kazetaria, <em>Ezina ekinez egina</em> saioan. ©BERRIA

Euskararen historiari buruzko saioa gaur ETB1en: 'Ezina ekinez egina'

Enekoitz Telleria Sarriegi

Gaizka Arangurenek aurkeztuko du. EITBk bat egingo du Euskararen Nazioarteko Egunarekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.