Albistea entzun

ERREZETA

Barazki eta txipiroi entsalada

Iker Markinez - Kuko Jatetxea, Ormaiztegi

2016ko azaroak 5

OSAGAIAK 4 LAGUNENTZAT

Osterzuri 1

Tomate 1

Piper gorri 1

Tipulin 1

8 gari-zainzuri

Sagar 1

8 txipiroi

Gatza

Oliba olioa

Ozpina

1

Piper gorria labean erregosi, hogei minutuz, 200 gradutan; ondoren, ongi zuritu eta haziak kendu.

2

Lapiko bat urez bete, eta irakiten jarri, gatz pitin batekin. Garizainzuriak gehitu, eta bost minutuz egosi. Ondoren, ur hotzetatik pasatu eta gorde.

3

Tipulina pusketa txikitan moztu, eta entsaladarako ontzi batean jarri. Moztu piperra pusketa txikietan, eta ontzira gehitu. Gauza berbera egin tomatearekin.

4

Hiru osagai horiek gatz, ozpin eta oliba olioz gozatu.

5

Osterzuria garbitu eta ongi lehortu ondoren, ontzira gehitu, puska txikietan.

6

Zartagin bat berotzen ipini, eta ongi beroa dagoenean, txipiroiak jarri eta plantxa moduan frijitu, minutu bat alde bakoitzetik. Gatz pitin bat gehitu, eta olio zorrotada bat ere bai.

7

Zartagina itzali, eta bertan utzi hoztu ez daitezen.

8

Platerean gari-zainzuriak ipini, eta bueltan, lau bost bat sagar xafla. Ondoren, entsaladako osagaiak ongi nahastu, eta plateraren erdian zabaldu.

9

Azkenik, txipiroiak gehitu. Nahi izanez gero, zartaginean gelditu den saldatxoa gehitu, azken ukitua emateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MARISOL RAMIREZ / FOKU

«Zorroztasuna funtsezkoa da kazetaritzan»

Urtzi Urkizu

Arabako, Bizkaiko eta Gipuzkoako kazetarien elkargoko dekano eta Euskal Kazetarien Elkarteko presidente izendatu dute Goikoetxea. Dioenez, kazetariek baldintza onak behar dituzte.
 ©GORKA RUBIO / @FOKU

«Galtzen ari den lan bat azaleratu nahi dut»

Enekoitz Telleria Sarriegi

Ontzi bat da, esamolde bat da, eta arrantzalearen azalean jarri nahi bat da 'Axalian'. Izen hori jarri dio Ortolaizek Zarauzko Photomuseumen paratu duen erakusketari: «Mundu eder bat da itsasoa».
Jon Mirande, eskuinean, Bretainiar Elkartearen Saria ekitaldian, 1969. ©Z / EZEZAGUNA

De viris illustribus: Jon Mirande bretainiarra

Miel A. Elustondo

Euskaraz baino lehen ikasi zuen bretoieraz Jon Mirandek Parisen. Euskaldunak lagun egin baino lehen, bretainiarrak egin zituen adiskide. «Gazte haien karra! Askok ez zekiten haurretatik beren herriaren hizkuntza, baina ikasi zuten eta bretoieraz ari dira beti. Guk, aldiz...», idatzi zuen. Goulven Pennaod bretainiarrarena dugu jakilegoa, Txomin Peillenek 1976an bildua.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.