Albistea entzun

ERREZETA

Txerri azpizuna, txanpinoi eta Roquefort gaztarekin

JUAN CARLOS RUIZ / ARGAZKI PRESS

Iker Markinez - Kuko Jatetxea, Ormaiztegi

2017ko irailak 30

osagaiak

4 LAGUNENTZAT

2 xolomo xerra txerri azpizun.

250 gr. txanpinoi.

200 zl. esne gain.

Roquefort gazta zatitxo bat.

Oliba olioa.

Piper Beltz hautsa.

Gatza.

1

Lehen pausoan, txanpinoiak ondo garbituko ditugu, eta laurdenetan moztu.

2

Lapiko batean, oliba olio zorrotada bat bota, eta beroa dagoenean, txanpinoiak botako ditugu.

3

Lau bat minutuz ondo frijitzen utzi ondoren, esne gaina gehitu, gatz pittin bat bota, eta beste hiru edo lau bat minutuz irakiten utzi.

4

Ondoren, lortu dugun txanpinoi krema hori sutik kendu, eta gorde.

5

Xerratan moztua dugun txerri azpizuna bi aldetatik gatzatu, eta piper beltz hautsa ere pixka bat bota.

6

Zartagin bat sutan berotzen jarri, olio zorrotada batekin. Ondo beroa dagoenean, txerri azpizun xerrak zartaginean ipini, eta alde bakoitzetik minutu batez frijitu. Ez jarri zartaginean aldiko xerra gehiegi, hobe da bi edo hiru txandatan frijitzea.

7

Azpizun xerra guztiak frijitu ostean, erretilu batean gorde. Zartaginean gelditu den olioa kendu eta Roquefort gazta bertara gehitu, eta sutan ipini berotzen.

8

Minutu bat pasatzean, txanpinoi krema bertara gehitu. Eta irakiten hasi bezain laster, sutik kendu.

9

Platera muntatu eta zerbitzatzea besterik ez zaigu falta: txanpinoiak plateraren erdian ipini, eta txerri azpizun xerrak inguruan. Gainetik Roquefort saltsa bota, bakoitzaren gustura.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Haurren konpainia bat, gaur Donostiako Bulebarrean. ©Andoni Canellada / Foku

Hirian sakabanaturik egin dute Donostiako haur danborrada

Alex Uriarte

Bost barrutietan aritu dira haurrak, udalak Alderdi Ederreko ekitaldia eta helduen danborrada bertan behera utzi ostean.

 ©BERRIA / HISTOLABET

Gizakiak, txerri organoak amets

Jakes Goikoetxea

David Bennettek astebete baino gehiago darama bizirik txerri baten bihotzarekin. Transplante hori mugarria izan da, baina ikerketa asko falta da prozedura orokortzeko.

 ©ARITZ LOIOLA / FOKU

«Consonni kreatura mutante bat da»

Amaia Igartua Aristondo

Consonnik 25 urte bete berri ditu. 2012tik argitaletxea ere bada, eta Murrek dio horrek «autonomia» eman diela. Andrazko idazle euskaldunak eta zientzia fikzio feminista itzuli dituzte, besteak beste.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.