OSAGAIAK

4 LAGUNENTZAT

400 g arroz, carnaroli motakoa

Txipiroi begihandi bat

Kuiatxo bat

Tipulin bat

Baratxuriak bi ale

Tomate fresko bat

Gatza

Oliba olio birjina

1

Txipiroi begihandia garbitu, eta zati txikietan moztu.

2

Tipulina karratu txikietan moztu, eta zartagin batean erregosten jarri, oliba olio birjinaren txorrotada batekin eta gatz pixka batekin.

3

Bost minutu pasatu ondoren, gehitu begihandiaren puskak. Bost bat minutuz erregosi, eta, jarraian, urez ongi estali. Mantendu irakiten 30 bat minutuz, begihandia bigunduz joan dadin.

4

Ondoren, kuiatxoa puska txikietan moztu, eta gehitu, baita tomatea ere.

5

Gero, nahastu arroza lapiko berean, eta ur pixka bat gehixeago gehitu. Baita gatz pittin bat gehixeago ere. Mantendu irakiten, hogei minutuz. Behar izanez gero, ur gehixeago gehituz joan eskatzen digun heinean.

6

Denbora hori pasatu ondoren, pare bat minutuz geldirik utzi. Itsas zaporeko arroz goxoa jateko prest izango dugu berehala.