Albistea entzun

Elikadura. Errezeta

Baratxuri zopa

JON URBE / ARGAZKI PRESS

Iker Markinez -

2013ko maiatzak 25

OSAGAIAK

4 pertsonarentzako osagaiak:

Zoparako ogi bat.

2 baratxuri buru.

Tipula 1.

2 litro haragi salda.

Kaiena piper bat.

3 arrautza.

Lehenik, tipula zuritu eta puska txikietan moztu behar da. Lapikora bota eta sutan jarri gero, oliba olio txorrotada batekin. Hamar minutuz erregosi ondoren, salda bertara gehitu eta irakiten jarri. Baratxuri buruak zuritu, eta buru baten aleak osorik lapikora gehitu. Ordu erdi batez irakiten eduki, baratxuri aleak ongi bigundu arte.

Zoparako ogia pusketatan moztu.

Zartagin edo lapiko zabal batean, beste baratxuri aleak txiki-txiki moztu, eta lapikoan jarri oliba olio txorrotada batekin eta kaiena piperrarekin. Lapikoa sutan jarri, eta, baratxuria dantzan hasten denean, kaiena piperra kendu, zoparako ogia bertara gehitu eta etengabe nahastu, ogia pixka bat frijitu arte.

Ondoren, aurreko lapikoan irakin dugun salda bertara gehitu iragazkiaren laguntzarekin. Beste hogei bat minutuz irakiten eduki. Gatz pixka bat gehiago behar badu, gehitu.

Sua itzali, eta hiru arrautzak bota. Koilara baten laguntzarekin, etengabe nahastu, nahaski bat izango balitz bezala, eta, horrela, zerbitzatzeko prest daukagu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Olatu sinkronizatua

Berria

Bi urte barru Europako kultur hiribirua izateko bidean, bosgarren Olatu Talka lehertu da asteburu honetan Donostian, 250etik gora proposamen sinkronizatu eskainita parte hartu nahi duen orori. Sormena, kirola —argazkian, Easo igeriketa taldeko kideen atzoko erakustaldia—, aldarrikapena eta elkartasuna nahastu dira egitarauan. Donostiatik kanpo ere zabaldu da aurten eskaintza, gainera.

Alarmak piztuta

Berria

Nafarroan, berezko arraza batzuk galzorian

60 urteko gaztea

Berria

Fender Stratocaster gitarra elektrikoa, 1954tik doinuka

Hemen da Olentzero

Berria

Gaur kalez kale eta etxez etxe ibiliko da, haurren begiradapean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna