Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Elikadura. Errezeta

Ahate gibela onddo eta oporto konfiturarekin

ANDONI CANELLADA / ARGAZKI PRESS

Iker Markinez -

2013ko urriak 26

OSAGAIAK

4 pertsonarentzako osagaiak:

Ahate gibela bat, 500/600gramokoa

2 onddo

Errezil sagarra 1

Oporto basokada 1

50 g azukre

Gurina

Oliba olio birjina

Gatza

Piperrauts beltza

• Konfitura prestatzen hasiko gara lehenik. Horretarako, errezil sagarra zuritu eta puska txikietan moztu. Zartagin zabal bat sutan jarri, eta bertan gurin goilarakada bat ipini; urtzen denean, sagar puxketak gehitu. Minutu pare batez su bizian eduki, eta azukrea gehitu. Su ertainean beste bost bat minutuz eduki. Ondoren, oportoa gehitu eta hamar bat minutuz irakiten eduki, duen alkohol soberakina lurrindu dadin eta konfiturak zapore konzentratuagoa har dezan.

• Orain, onddoak garbitu, xafletan moztu eta zartagin batean oliba olio txorrotada batekin bost minutuz erregosi, gatz pittin batekin. Ondoren, gorde.

• Gibela egiteko orduan oso garrantzitsua da gibela bera denbora batez (4 bat orduz) hozkailutik kanpo edukitzea. Hatz baten lodierako xaflatan moztu, erretilu batean jarri bi aldetatik gatzatuta eta goitik piperrauts beltza gehituta. Zartagin zabal bat hartu, sutan berotzen jarri, eta, ongi beroa dagoenean, gibel xerrak jarri, inongo oliorik gabe, gibelak nahikoa badu eta. Minutu bat pasa ondoren, buelta eman, eta beste minutu batez eduki. Erretilu batean sukaldeko papera jarri, eta bertara atera gibel edo foie xerrak, grasa soberakina papelak xurga dezan.

• Oraingoa, pausorik garrantzitsuena izango da. Gibela prejitu dugun zartagiko olioa bertatik kendu, zartagin horretara onddo xaflak eta konfitura gehitu eta sutan ipini pare bat minutuz. Horrela, gibelak zartagian utzi duen zapore guztia bi osagai horiek hartuko dute. Azkenik, gibel xerrak plateretan jarri eta gainetik onddo eta oporto konfituraz ongi ornitu. Horrelaxe platera nagusi bezala, edo azpizun xerra batekin batera ere oso egokia da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Olatu sinkronizatua

Berria

Bi urte barru Europako kultur hiribirua izateko bidean, bosgarren Olatu Talka lehertu da asteburu honetan Donostian, 250etik gora proposamen sinkronizatu eskainita parte hartu nahi duen orori. Sormena, kirola argazkian, Easo igeriketa taldeko kideen atzoko erakustaldia, aldarrikapena eta elkartasuna nahastu dira egitarauan. Donostiatik kanpo ere zabaldu da aurten eskaintza, gainera.

Alarmak piztuta

Berria

Nafarroan, berezko arraza batzuk galzorian

60 urteko gaztea

Berria

Fender Stratocaster gitarra elektrikoa, 1954tik doinuka

Hemen da Olentzero

Berria

Gaur kalez kale eta etxez etxe ibiliko da, haurren begiradapean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.