Elikadura. Errezeta

Txerri azpizuna onddoz beteta eta Roquefort saltsarekin

BERRIA

Iker Markinez -

2013ko abenduak 28

OSAGAIAK

4 pertsonarentzako osagaiak

Txerri azpizuna.

400 gramo onddo.

Tipulin bat.

Oliba olio birjina.

Gatza.

Piper hauts beltza.

Basokada bat esne gain.

125 gramo Roquefort.

Lehenik, tipulina zuritu eta pusketa txikitan moztu. Zartagin zabal batean, erregosten jarri oliba olio zorrotada batekin. Bitartean, onddoak garbitu, eta xaflatan moztu.

Ondoren, onddoak bota tipulina dugun zartaginera. Gehitu beste oliba olio zorrotada bat, baita gatz pitin bat ere. Guztia hamar bat minutuz eduki, sua itzali, eta han epeltzen utzi.

Saltsa prestatzen hasteko, lapiko batean basokada bat esne gain jarri, eta, irakiten hastean, Roquefort gazta gehitu. Pare bat minutu irakiten eduki, sutatik kendu, eta gorde.

Bitartean, txerri azpizuna xaflatan moztu, bi zentimetro inguruko lodierakoak. Guztiak gatzatu, eta piper hauts beltza ere gehitu, bakoitzak bere gustura. Zartagin bat sutan jarri, eta, beroa dagoenean, txerri azpizun xerrak bertan jarri. Olio zorrotada bat gehitu gainetik. 30 segundo pasa ondoren, guztiei buelta eman, eta beste 30 segundoz eduki. Gero, plater batera ateratzen joan.

Azpizuna frijitu dugun zartagin horretan bertan, sua itzalita dagoela, gazta saltsa bota. Horrek, zartagineko berotasunaz lagundurik, azpizunaren zaporea emango dio gazta saltsari.

Labea 250 gradutan berotzen jarri. Labeko erretiluan dozena bat azpizun xerra jarri, xerra bakoitzaren gainean koilarakada bat onddo bota, eta beste xerra batez goitik estali. Labea ongi berotuta dagoenean, erretilua sartu, eta bi minutuz eduki. Ondoren atera, eta plateretan jarri. Gainetik gazta saltsa beroaz ongi busti, bakoitzak nahi adina. Platera prest dago, mahaira eraman eta jateko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen agerraldia, gaur. ©BERRIA

Hezkuntza Sailak «planifikazio integralik» ez duela salatu dute sindikatuek

Gotzon Hermosilla

Neurriak hartzen ez badira, «transmisio kasuak ugarituko» direla ohartarazi dute. Greba egunetik astebetera, beste mobilizaziorik egitea ez dutela baztertzen adierazi dute.

Azkoienen lasaitasuna zen nagusi atzo. ©IÑIGO URIZ / FOKU

Azkoien, ia bakartuta

Joxerra Senar

Bihartik, ezinbesteko arrazoiengatik ez bada, ezingo da herrian sartu edo irten. Edukiera erdira jaitsiko dute, eta tabernak 22:00etan itxiko dituzte

Mutil bat maskararekin, Azkoienen (Nafarroa). ©Iñigo Uriz / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna