Elikadura. Errezeta

Marrubi tarta

JUAN CARLOS RUIZ / ARGAZKI PRESS

Iker Markinez -

2014ko otsailak 22

OSAGAIAK4 pertsonarentzako osagaiak:

Sable tarta oinarria

500 gramo marrubi

Pastel kremarentzako osagaiak:

Litro erdi esne

Bost arrautza gorringo

125 gramo azukre

50 gramo irin

Banilla makilatxoa

Lehenik, labea berotzen jarriko dugu 180 gradutan. Sable oinarria tartarako moldean zabaldu, eta, sardexka baten laguntzaz, oinarrian zulotxo batzuk egin.

Ondoren, laberako paper berezia gainetik jarri moldearen oinarria estaliz, eta garbantzu batzuk zabaldu gainetik, pisuarekin papera manten dezaten. Labean sartu, eta hogei minutuz eduki. Atera, garbantzuak eta papera kendu, eta gorde.

Bitartean, pastel krema prestatuko dugu. Horretarako, lapiko batean irakiten jarri esnea eta banilla makilatxoa. Ontzi batean arrautza gorringoak eta azukrea nahastu, eta ongi irabiatu. Irina gehitu. Irina ongi nahastu ondoren, irakinda daukagun esnea gehitu. Guztia berriz ere lapikora pasatu, eta, bost minutuz, irakiten eta nahasten mantendu etengabe, itsats ez dadin. Krema prest dugunean, moldean dugun tarta oinarri guztia ongi estali kremarekin.

Labean sartu beste hogei minutuz. Labean dagoen bitartean, marrubiak garbitu, eta txortena kendu. Beti garbitu ondoren kendu txortena, bestela ura sartzen baita marrubiaren barrualdera.

Marrubiak garbiak ditugunean, xaflatan moztu. Hogei minutu pasatu ondoren, moldea labetik atera, eta, jarraian, marrubi xafla guztiak tartaren gainean jarri, txukun.

Tarta hozten denean, moztu, eta jateko prest izango dugu. Txokolate bigun pixka batez bustitzen badugu, primeran geldituko da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna