Elikadura. Errezeta

Orburuak saltsan, txirlekin eta urdaiazpikoarekin

GARI GARAIALDE / ARGAZKI PRESS

Iker Markinez -

2012ko abenduak 1
OSAGAIAK

4 pertsonarentzako osagaiak:

12 orburu.

400 gr. txirla.

100 gr. urdaiazpiko xerra

2 baratxuri.

Oliba olioa.

Gatza.

Irina.

Perrexila.



• Lapiko handi batean ura erdira arte bete, bi koilarakada irin gehitu, eta ondo nahastu. Gatz pitin bat bota, eta sutan jarri, irakin arte.

• Bitartean orburuak zuritu, txortena moztu gabe zuritu. Orburuaren punta moztu pare bat zentimetro zabal. Ondoren, ur irakinean sartu, eta bertan eduki hogei bat minutuz. Gorde.

• Zartagin batera oliba olio zorrotada eder bat bota eta bertara baratxuri aleak ahalik eta txikien xehatuta gehitu. Sutan berotzen jarri su motelean. Baratxuria dantzan hastean (ez utzi baratxuriak gorritzen) koilarakada erdi irin gehitu, eta ondo nahastu. Jarraian orburuak erditik moztuta gehitu eta baita txirlak ere (aurrez uretatik pasatu). Era berean orburuak egositako salda basokada bat gehitu.

• Sua bizitu eta saldaren lodieraren arabera, salda gehiago erabil dezakegu. Azkenik, sutan mantendu txirla guztiak ireki arte. Lapikoa ez dugu tapaz estaliko.

• Bitartean beste zartagin batean urdaiazpikoa laukitxoetan moztu, eta frijitu. Azkenik, orburu eta txirlak ditugun zartaginera gehitu. Txirlak irekita daudenean perrexila bota eta zuzenean zerbitzatu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna