6 pertsonarentzako osagaiak:
Anana bat.
250 g marrubi.
250 g azukre.
Kanela txotxa.
Limoi baten azala.
Jogurt izozkia.
• Lehen pausoan anana ondo zurituko dugu eta erdian duen zuztarra ere kenduko diogu. Ondoren laukitxoetan moztu.
• Jarraian lapiko batean ipini, urez estali, eta bertara azukre guztia gehitu, baita kanela txotxa eta limoi baten azala ere.
• Irakiten jarri ordu erdi batez su motelan, eta ondoren lapikoan bertan hozten utzi.
• Bitartean marrubiak garbitu, etazuztarra kenduko diegu. Zuztarra garbitu aurretik kenduz gero, ura marrubiaren barrura sartzen da, eta hori ez da komeni. Marrubiak laurdenetan moztu.
• Mahaira zerbitzatzeko erabiliko ditugun kopatxoak prestatzen hasiko gara jarraian. Lehenik anana zatitxoak ipini koparen barruan, eta bueltan, marrubi pusketatxok.
• Guztiak almibarrez ongi busti, eta, bukatzeko, koparen barruan jogurrezko izozki bolatxoa kontu handiz jartzea besterik ez zaigu gelditzen. Errezeta honetan askotariko fruituak eta beste izozki zapore batzuk ere erabil ditzakezue.