Noiz sortua: 2013-03-09 00:30:00

Elikadura. Errezeta

Txanpinoi txapelak orburu eta ziazerbaz beteak

GARI GARAIALDE / ARGAZKI PRESS

Iker Markinez -

2013ko martxoak 9

OSAGAIAK

4 pertsonarentzako osagaiak:

6 orburu

Ziazerba sorta eder bat

2 dozena txanpinoi fresko

Oliba olio birjina

Irina

Gatza

Esne gain baso erdi bat

Orburuak prestatzen hasiko gara. Lapiko handi batean ura erdira arte bete, bi koilarakada irin gehitu, eta ondo nahastu. Gatz pitin bat bota, eta sutan jarri irakin arte. Bitartean, orburuak txortena moztu gabe zuritu. Orburuaren punta moztu, pare bat zentimetro zabal. Ondoren ur irakinetan sartu, eta bertan irakin hogei bat minutuz. Gorde. Hoztean orburua laurdenetan moztu.

Ziazerbak garbitu, eta lapiko batean olio zorrotada batekin erregosi, gatz pitin bat bota eta gorde.

Txanpinoiei txortena kendu, txapela bakarrik erabiliko dugu. Zartagin zabal bat hartu eta txapelak bertan jarri behera begira, olio zorrotada batekin. Gatz pitin bat bota, eta hiru minutuz frijitu. Ondoren buelta eman, eta hiru minutuz beste aldetik frijitu.

Bukatzeko, eta zartaginean txapelak dauzkagula, txapel bakoitzaren gainean orburu laurden bat ipini, eta ziazerba koilarakada bat. Txanpinoi guztiak prest dauzkagunean kontu handiz erretilu batera pasa; zartagin horretara esne gaina gehitu, eta irakin bat eman. Ondoren, txanpinoien gainera bota esne gain krema hori.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ordiziako institutua hutsik, aurreko astean. ©Jon Urbe / Foku

Ikasgeletara itzuliko dira gaur Araba, Bizkai eta Gipuzkoan

Berria

DBHko laugarren mailako ikasleak, batxilergoko bigarren mailakoak eta lanbide heziketako bigarren mailakoak izango dira lehenak. Halere, ez da presentzia handirik espero. Eusko Jaurlaritzako Hezkuntza Sailaren arabera, lanbide heziketako zentroen %20 inguruk irekiko ditu ateak.

Gaur ireki dituzte hondartzak Donostian. ©Juan Carlos Ruiz, Foku

Bigarren faserako jakin beharrekoak

Jon Ordoñez Garmendia

Gaurtik aurrera, araudi berri bat dago indarrean Hego Euskal Herrian, eta ordutegiei, saltokiei, taberna eta jatetxeei, hezkuntza zentroei, kirola jarduerei, eta igerileku eta hondartzei eragingo die.

Zaintzaile bat adineko pertsona bati eskua ematen. ©BRAIS LORENZO / EFE

Hauskor azaldu da

A. Iraola - M. Peruarena Ansa

Krisiaren hasieratik jakina zen COVID-19ak gogor erasaten diela adineko pertsonei; edadekoen zentroetan izan diren heriotza ugariek agerian utzi dituzte egoitzen sistemaren inguruko hainbat gabezia, eta galderak sortu dituzte toki horietan egoiliarrek jasotzen duten osasun artaren inguruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna