Kilo bat txipiroi (20 bat pieza).
4 tipula.
4 baratxuri ale.
Letxuga fresko bat.
Kalonje hosto batzuk.
Oliba olioa.
2 koilara bete sagardo ozpin.
Gatza.
1
Tipulak eta baratxuriak juliana erara moztu. Barazki horiek lapikoan jarri, eta olioa eta gatza bota. Su motelean ordubetez goxatzen utzi. Tarteka nahastu.
2
Bitartean, txipiroiak garbitu egingo ditugu.
3
Txipiroiei gatza bota, eta plantxa beroan jarri, minutu bat alde bakoitzetik. Ondoren, prestaturiko tipula lapikora gehitu behar da.
4
Letxuga eta kalonje hostoak garbitu, eta ondo lehortu (oso garrantzitsua da), eta puska txikietan ebaki; erretilu batean ipini.
5
Ondoren, ontzi batean gatz pitin bat jarri; bi koilarakada sagar ozpin eta sei koilarakada oliba olio gehitu. Guztia ongi irabiatu.
6
Letxuga eta kalonjeak dauden ontzira ozpin-olioa gehitu, norberaren gustura.
7
Ongi nahastu, eta lau plateretan banatu.
8
Azkenik, txipiroiak tipula goxatuarekin barazki hostoen gainean jarri, eta prest izango dugu jateko.
