Elikadura. Errezeta

Alberjiniak, onddo, ziaberba eta kuia txikiz beteak

JON URBE / ARGAZKI PRESS

Iker Markinez -

2012ko azaroak 17
OSAGAIAK

2 alberjinia

250 onddo

Kuia txiki bat

Ziazerba sorta bat

Tipulin bat

Gatza

Oliba olioa

Bexamela egiteko:

Litro bat esne

Koilarakada bat gurin

4 koilarakada irin

Gatza

Labea berotzen jarri. Bitartean, berenjenak erditik moztu, eta laberako erretilu batean ipini. Olio txorrotada bat bota, eta labean sartu 20 bat minutuz. Atera, eta epeltzen utzi.

Ondoren, koilara baten laguntzaz, barneko mamia atera, xehatu eta gorde.

Zartagin batean oliba olio zorrotada bat jarri, eta su ertainean berotzen jarri. Onddoak garbitu, eta laukitxotan moztu, baita ziazerba eta kuia txikia ere. Gatz pitin bat gehitu. Erregostean, sutik kendu. Zartaginera berenjenen mami xehetua gehitu, eta nahastu.

Bexamela prestatzeko, lapiko batean gurina urtzen ipini, su motelean. Urtzean, lau koilarakada irin gehitu, eta gurinarekin ondo nahastu. Esnea (beroa hobeto) pixkanaka-pixkana gehitzen joan, nahasteari utzi gabe, bexamel krematsua lortu arte. Ondoren, gainontzeko osagaiak zartaginera gehitu. Ongi nahastu, eta hozten utzi.

Alberjiniak ongi bete bexamel eta barazki kremarekin. Ondoren, labeko erretiluan jarri, eta azken ukitua emateko, labean sartu 200 gradutan (indarra goian eta behean); lau bat minutuz ongi gorritu arte mantendu. Gazta gustuko baduzue, gazta birrindua gehitu bexamelaren gainera, labean sartu aurretik; oso goxoa geldituko da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna