Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

Gure gaiak

Eusko Jaurlaritzarako hauteskunde kanpaina

Eusko Jaurlaritzarako hauteskunde kanpaina

Albisteak

«PP eta Vox gabeko gobernu bat osatzea litzateke onena»

2020-07-04

Duela zortzi urte bezala, Equo Berdeak bere kabuz aurkeztuko da legebiltzarrerako hauteskundeetara. Orduan ez zuen aulkirik lortu. Pandemiagatik, Jaurlaritzarako «akordio zabal bat» eskatu du Becerra lehendakarigaiak. Bideoan, BerriaTBren galdetegia.

Hauteskundeen atarian – Feminismoa giltzarri

2020-07-02

Emakumeen presentzia Eusko Legebiltzarrean. Hori da gaurko saioaren abiapuntua; izan ere, aurreko agintaldian emakume parlamentari gehiago izan ziren Eusko Legebiltzarrean gizonezko parlamentariak baino. Emakumeen presentzia handiagoa izateak, baina, ez du zertan esan nahi feminismoak ere presentzia irabazi duenik. Horregatik, testuinguruaren eta gertatu denaren analisia egiten ahaleginduko dira gonbidatuak: egungo egoera zein den eta aurrera begirako arreta-guneak zein izan daitezkeen zehazteko. Arantxa Elizondo EHUko Politika Zientzietako irakaslea, Zuriñe Rodriguez ikerlaria, eta Elixabete Garmendia kazetaria izango dira saioan.

Hauteskundeen atarian – Geroa, euskaratik?

2020-07-01

Euskararen presentzia pandemia garaian. Hori aztertu zuten duela gutxi Martin Ugalde Foroan. Lehentasunen artean ez ote dagoen, horrelako kasuetan bigarren maila batean gelditu ohi den... Testuinguru horretatik abiatuta, alderdien euskararen erabilera izango dugu ardatz gaurko saioan. Horrekin batera, egungo egoera zein den eta aurrera begirako gakoak eta egin beharrekoak zein diren xehatuko dugu. Horretarako, Irene Arrarats Berriako euskara arduraduna, Jon Sarasua kulturgilea eta unibertsitateko irakaslea eta Paul Bilbao Kontseiluko idazkari nagusia izango ditugu saioan.

Hauteskundeen atarian – Pandemiaren itzalean

2020-06-30

Gero eta gutxiago falta da Eusko Legebiltzarrerako hauteskundeetarako. Kanpaina hasi da dagoeneko, eta datozen egunotan jende askoren ahotan ibiliko diren gaien artean daude, besteak beste, segurtasun neurriak, posta bidezko bozka eta koronabirusaren krisiak herritarren parte hartzean izan dezakeen eragina. Hain justu, gai horiek ditu hizpide 'Hauteskundeen atarian' saioko lehen kapituluak. Reinaldo Jaio Eusko Jaurlaritzako Hauteskundeetarako zerbitzuburuak, Josean Catalan LABen Gipuzkoako Correoseko ordezkariak eta Ainhoa Novo EHUko Politika Zientzietako irakasleak azaldu dituzte bakoitzaren nondik norakoak.

Hauteskundeen atarian – Eskaera lehendakariari

2020-06-30

Zer eskatuko zenioke lehendakariari? Galdera hori da, hain justu, gaurko saioaren ardatza. Pentsiodun bat, pandemiaren krisiaren eraginez langabezian gelditu berri den pertsona bat eta kontziliazio arazoak dituen beste bat izango dira saioan. Bakoitza bere errealitatetik, haien egoera zein den azalduko dute. Beldurretatik eta kezketatik hasi, eta lehendakari berriarentzat duten eskakizun eta zalantza sorta zein den zehaztuko dute

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna