Iritziak
Biolentzia
Jule Goikoetxea EHUko irakasleak argudiatu du biolentzia bortxa fisiko zuzenera murrizteak ezeztatu egiten duela «humanitatea giza talde semiotiko gisa». Horrela, indarkeriaren adibide ugari lotu ditu, hainbat esparrutakoak, indarkeriaren esanahia osorik hartzeko aintzat, eta kontuan izateko horren ondorioz eragiten diren egoerak.
Iritziak
Zu zatzaizkit axola
Iruñeko Udalak 2021eko sanferminak bertan behera geldituko direla iragartzeko egindako bideoan darabilen euskararen harira, aditz forma horien erabilera defendatu du Blanca Urgell irakasle eta filologoak. Urgellen iritzi artikuluaren goiburuan bezala, Zu zatzaizkit axola leloa darabilte bideoan, adierazi nahian herritarren osasuna garrantzitsuagoa dela jaiak baino.
Umiltasuna
Futbolari profesionalek kobratzen duten soldatarekin museo bat baino gehiagoren urteko jarduna finantzatu daitekeela-eta, zenbait gogoeta egin ditu Haizea Barcenilla arte historialari eta EHUko irakasleak iritzi artikulu honetan.
Bikoteak
Politika, kultura eta kirol munduko izen ezagun batzuen zerrenda dakar Andoni Egaña bertsolariak ondoko testuan, Euskal Herrikoak zein mundu osokoak. Binaka jarri ditu izenak, bikoteak osatzen. Hain justu, adin bera dutenen arteko bikoteak egin dituela zehazten du; ordea, bikote horietako bat ez da adinkidea. Zein ote da?
Amona bat adoptatu
Zaharren eta gazteen arteko harremanaren balioaz ari da artikulu honetan Jose Mari Pastor kazetari eta EHUko irakaslea. Gogoeta egin du nola hobetu daitezkeen pandemiaren ondorioz agerian geratu diren egoerak; besteak beste, bakardadea.
Rocio Carrasco ote gara?
Espainiako telebista kate batean emaniko elkarrizketan pertsonaia ezagun batek eginiko salaketa kasua dakar lerrootan aztergai Samara Velte kazetariak. Zehazki, indarkeria matxistaren biktima baten salaketa.
Prentsa arrosa izenekoan oso ezaguna den pertsonaia horren adierazpenek hauspotuta, %30 igo ziren Araban, Bizkaian eta Gipuzkoan biolentzia matxista salatzeko telefonora eginiko deiak.
Hil-kanpaiak airearen zabuan
Pandemiari buruz dihardu Anjel Lertxundi idazleak testu honetan. Gizarteak hasieran erakutsi zuen adorea ahulduz joan dela kontatzen du, sufrimenduaren eta galeraren kronika eginez.
Ugariak dira testuan literatur obra eta pertsonaia ezagunei egiten dizkien erreferentziak; giza portaeraren adibidetzat aukeratu bide ditu, ehunka urtetan eta munduko hainbat herrialdetan errepikatu izan baitira.
Kale izendegia
Ane Labaka Maioz bertsolariak eta Maria Arbeo Astigarraga ilustratzaileak orrialde oso bateko iritzi artikulua osatu dute Euskal Herriko hainbat emakumezko esanguratsuren izen-abizenak bata bestearen atzetik jarrita. Kirolariak, irakasleak, politikariak, indarkeria matxistaren biktimak... zerrenda askotarikoa da oso.
Eskola egunak
Ikastolen sorrerari buruz telebistan emandako erreportaje bat ikusteak eragin dizkion hausnarketez egin du artikulua Juan Luis Zabala idazleak. Uste du, besteak beste, ikastola haiei esker lortu zela euskarari eustea.