Tabako paketeen prezioa hamahiru eurora igo nahi du Frantziako Osasun Ministerioak 2027rako. Hurrengo urtean hasiko dira paketeak garestitzen.

Neurri berriekin, erretzailerik gabeko belaunaldi bat lortzea dute helburu 2032rako.

Osasunako entrenatzaile Jagoba Arrasatek saria jaso du euskararen alde egindako lanagatik. «Iruñera ailegatu zenetik, lehen mailara eraman du euskararen presentzia», nabarmendu zuen ekitaldian Reyes Ilintxeta esatariak.

Erasotzaile nagusiak gurasoak dira, baina entrenatzaile eta jokalariek ere jarrera oldarkorrak izan ohi dituzte haiekin. Horren ordez, partidetan espazio hezitzaileak sortzea eskatzen dute epaile eta adituek.

Erberhard Jurgalski dokumentalistak eginiko ikerketa eta neurketa zehatzen arabera, orain arte hamalau zortzimilakoak igo dituzten mendizale gehienak ez ziren Manaslu, Annapurna eta Dhaulagiri mendien punturik altuenera igo.

Hori dela eta, Reinhold Messner eta Edurne Pasaban kendu egin dituzte Guinness errekorren liburutik.

Espainiako selekzioak Munduko Kopa irabazi ostean Espainiako Futbol Federazioko presidente Luis Rubialesek Jennifer Hermoso jokalariari emandako musuak eta ondorengo gertaerek hautsak harrotu dituzte futbolaren munduan eta handik kanpo. Horren analisia egin du BERRIAko kazetari Olatz Artolak, eta halako zenbat jokabide izaten diren salatu.

BERRIAko Jone Bastida kazetariak sakon aztertu du ondoko analisian 'Rubiales auziak' agerian jarri duena. Futbolaren sistema bera aldatzea ezinbestekoa dela uste du, eta Euskal Herritik bertatik has daitekeela.

Ez da ohikoa futbolari batek 27 urterekin erretiroa hartzea. Hala hartu du Realeko jokalari Iraia Iparragirrek (Lasarte-Oria, Gipuzkoa, 1995). «Nire gorputzari eta buruari entzun, eta atzetik datozenei lekua egiteko garaia dela sentitu dut».

Emakumeen futbolaren garapenaren lekuko eta protagonista izan da, baina uste du oraindik bide luzea geratzen dela.

Duela mende erdi baino gehiago garatutako droga opioide sintetiko bat da fentaniloa. Ebakuntzetan erabiltzeko asmatu zen, baina krisia eragin du Ameriketako Estatu Batuetako osasun publikoan: gaindosiz heriotza gehien eragiten duen droga da.

Suspertu programak egindako azken ikerketen arabera, Nafarroako gazteak 13,6rekin hasten dira alkohola edaten, 14,3rekin tabakoa erretzen, eta 14,9rekin, berriz, kalamua kontsumitzen.

«Nerabeak zenbat eta goizago hasi alkohola edaten, orduan eta arrisku handiagoa bertze substantzia batzuk kontsumitzeko», ohartarazi dute.