Albistea entzun

ERREZETA

Odolki kurruskatsuak pikillo piperrekin eta azarekin

JUAN CARLOS RUIZ / ARGAZKI PRESS

Iker Markinez - Kuko Jatetxea, Ormaiztegi

2017ko urriak 14

osagaiak

4 LAGUNENTZAT

Odolki bat

Porru bat

Perrexila

12 pikillo piper fresko

Aza laurdena

Bexamela (aurrez prestatuta)

Brik orriak

Gatza

Oliba olioa

1

Lehen pausoan, odolkia egosiko dugu. Lapiko bat urez bete, eta porru puska bat eta perrexil sorta batekin, odolkia bertan sartu; ordu eta erdiz egosten mantendu. (Errezeta honetarako, egunen batean sobraturiko odolki puskak erabil ditzakegu).

2

Odolkia erretilu batera atera, eta hestea kendu. Hor dagoen mamia aurrez prestatua izango dugun bexamel koilarakada batzuekin nahastuko dugu. Krema ilun bat lortuko dugu, odolki krema. Epeltzen utziko dugu ordubetez.

3

Bitartean, beste lapiko batean, ura egosten ipini, gatz pitin batekin. Irakiten hastean, aza egosi, juliana fin modura moztua. 20 minutuz egosi, uretatik atera, eta gorde.

4

Zartagin batean, olio zorrotada bat ipini, eta dozena bat piper pikillo konfitatuko ditugu, 15 edo 20 bat minutuz, su oso motelean.

5

Kurruskatsuak egiteko: brik orriak biribilak direnez, lau zatitan moztu, eta lau hiruki lortuko ditugu. Zati bakoitzaren erdian, odolki masa ipini, eta kiribilak egin. Pauso hau aurreko egunean prestatuta utz daiteke.

6

Platera bukatzeko, lapiko edo zartagin batean, olioa berotzen jarri; ongi beroa dagoenen, brik odolkia frijitu minutu batez, su bizian, kurruskatsuak lortu arte. Sukaldeko paperaz olio soberakina ongi kendu, eta platerean zerbitzatu, prest ditugun piper konfitatuekin eta azarekin batera (horiei ere berotu bat eman).

Sasoiko eta garaiko plater berezia da gaurkoa. Beraz, animatu eta probatu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Zifren eta datuen inperialismoaren menpe bizi gara»

Gorka Erostarbe Leunda

Krisi garai erabatekoa; pentsatzeko tarterik ere uzten ez duena. Hartu du denbora hori Iñigo Martinezek, eta egungo inertziak auzitan jarri ditu 'Mandamentu hipermodernoak' lanean.
Pantailak Euskaraz ekimeneko kideak, manifestua aurkezten, gaur Durangon. ©BERRIA

Euskarazko ikus-entzunezkoen aldeko manifestu bat aurkeztu dute

Urtzi Urkizu

Pantailak Euskaraz taldeak plazaratu du testua, ikus-entzunezkoen arloko eta euskalgintzako zenbait eragileren ekarpenekin. Sektore desberdinetako 35 eragilek eman diote atxikimendua manifestuari. Atzo egin zuten agiriaren aurkezpena.

Kataluniako Heura enpresaren haragi tankerako pintxo beganoak jateko aukera dago azokan, Irunen. ©ANDONI CANELLADA / FOKU

Betiko txistorra ematen du ba!

Urtzi Urkizu

Beganismoari ikusgarritasuna ematen dion jaialdia egiten ari dira asteburuan Irunen, Ficoban: Be Veggie. Askotariko produktu eta zerbitzuak daude 70 erakusmahaitan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.