Errezeta

Barazki panatxe entsalada, urdaiazpiko frijituarekin eta Idiazabalgo gaztarekin

RAUL BOGAJO / ARGAZKI PRESS

Iker Markinez -

2011ko urtarrilak 22

OSAGAIAK

4 pertsonarentzako osagaiak:

Lekak, 300 g

Azenarioa, 100 g

Kalabazina, 1

Gari zainzuriak, dozena 1

Urdaiazpikoa, 8 xerra

Idiazabalgo gazta pusketatxoa

Oliba olioa

Baratxuria, 4 ale

Ozpina

Gatza

Barazki guztiak banan-banan ondo garbitu eta zerrendatan moztu, eta erretilu batean jarri, multzoka, nahastu gabe. Lapiko bat urez beteta sutan jarri eta gatz pitin bat bota. Irakiten hastean, lehenik, lekak botako ditugu bertara. Beti su bizitan eduki, eta taparik ez jarri. Hamar minutu igarotzean, azenarioak gehitu. Handik bost minutura, zainzuriak eta kalabazinak, eta beste bost minutu pasa ondoren, barazki guztiak uretatik atera eta ur freskoz beteriko beste ontzi batera pasako ditugu, egosaldia moztu dadin. Gainera, horrela kolore bizia atxikiko dute eta barazkiak ez dira gehiegi maskalduko. Barazkiak freskatu direnean, ur hotzetatik atera, eta ondo iragazi, duten ur soberakina kentzeko.

Orain, entsaladak prestatzeko ontzian jarri barazki guztiak, ozpin txorrotada on bat bota, eta bi koilararen laguntzaz, ondo nahastu.

Baratxuriak zuritu eta xerra finetan moztu. Gorde.

Zartagin bat oliba olio txorrotada on batekin berotzen jarri. Olioa beroa dagoenean urdaiazpiko xerrak banaka bertan azkar frijitu. Urdaiazpikoa frijitu ondoren, baratxuri xerrak bota eta ongi gorritzen utzi. Ondoren, baratxuriak barazki entsaladara bota eta ondo nahastu.

Azkenik, lau plateretan banatu barazki entsalada. Plater bakoitzaren aldamenean bina urdaiazpiko xerra jarri, eta, azkenik, nortasun berezia emanez, Idiazabalgo gaztaren xerra finak gainetik bota. Ea gustatzen zaizuen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga, atzo, Eusko Jaurlaritzaren Bilboko egoitzan. ©Miguel Toña / Efe

Eusko Jaurlaritzak osasun larrialdia ezartzeko asmoa du

Andoni Imaz

Urkullu jarduneko lehendakaria litzateke batzorde bereziaren burua berriro ere, eta aukera izango luke jendea bakartzeko eta joan-etorriak mugatzeko. Murgak eta Tapiak agerraldi bat egingo dute bihar, hartuko dituzten neurriak esplikatzeko.

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna