Tartaren oinarria
200 ml esnegain
200 gr Mascarpone gazta
Kazokada bat pastel krema
100 gr azukre
Saltsarako:
100 gr marrubi
100gr saltsarako azukre
Limoi bat
• Lehenengo, marrubi saltsa prestatuko dugu. Horretarako, marrubiak garbitu, laurdenetan moztu eta limoi baten zukuaz eta 100 gr azukrerekin batera ordu batez ontzi batean eduki. Ondoren, turmisa pasa eta gorde.
• Tartaren oinarria erositakoa edo geuk egindakoa erabil dezakegu. Gaurkoan, erositakoa erabiliko dugu. Oinarri hori laberako egokia den molde batean ipini, aluminiozko papera haren gainean jarri eta garbantzu batzuk paperaren gainean ipini pisu modura. Aurrez labea berotu, eta ordu erdi batez 170 gradutan egosi.
• Labetik atera, eta hozten utzi. Ontzi batean esne gaina eta azukrea biak batera nahastu, eta ondo irabiatu ondoren altxatu eta esne gaina gogortu egingo da.
• Beste ontzi batean, Maskarpone gazta eta pastel krema kazokada bat ondo nahastu, eta, ondoren, esne gain harrotua gehitu. Poliki-poliki nahastu. Maskarpone gazta bilatzeko arazorik baduzue, Philadelphia edo antzeko gaztaren bat erabil daiteke.
• Lortu berri dugun gazta krema labetik atera dugun moldean bertan daukagun oinarrian zabalduko dugu. Eta hozkailuan ordu pare batez hozten utziko dugu.
• Ondoren, zatiak moztu, eta aurretik prestatu dugun marrubi saltsarekin apaindu.
