Noiz sortua: 2011-04-30 00:30:00

Elikadura. Errezeta

Orburu entsalada urdaiazpiko txigortuarekin

JUAN CARLOS RUIZ / ARGAZKI PRESS

Iker Markinez -

2011ko apirilak 30

OSAGAIAK

4 pertsonarentzako osagaiak:

Orburu dozena bat.

Tipulin bat.

Bi urdaiazpiko xerra, lodixamarrak.

Irina.

Perrexila.

Gatza.

Oliba olio birjina.

Sagardo ozpina.

Lapiko batean bi koilarakada irin bota, eta erdira arte urez bete; ongi nahastu, eta gatz pitin bat bota; gero, irakiten jarri. Bitartean, orburuei hostoak kendu, txortena zuritu eta guztiei puntaren zati handi bat kendu. Ondoren, ur irakitan sartu, 15 / 20 bat minutuz. Lantxo horri blanquet esaten zaio, eta frantsesetik dator, hau da, zuritzea. Horrek orburuak egosi baina ez belztea laguntzen du. Ondoren sua itzali, eta bertan utzi hoztu arte.

Tipulina zuritu, eta ahalik eta zatirik txikienetan moztu. Ontzi batera bota, eta gehitu bi koilarakada sagardo ozpin eta sei koilarakada oliba olio. Perrexila xehetu, eta gehitu gatz pitin bat. Dena ondo nahastu.

Orburuak uretik aterako ditugu, eta bakoitza lau pusketetan zatitu. Ondoren, argazkian ikusten duzuen bezala, plater bakoitzean orburu pusketak ahalik eta modu txukunenean ipini. Jarraian, urdaiazpiko xerrak labanaren laguntzaz pusketa txikietan moztu, eta zartagin batean oliba olio txorrotada batekin su bizian txigortu. Ondoren, koilara baten laguntzarekin, urdaiazpiko pusketak orburuen gainetik bota; eta bukatzeko, oliozpinez dena ongi busti bakoitzaren gustura. Mugi zaitezte, orburuak bukatzear daude eta!

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Jendea Miamiko hondartza ondoan paseatzen, birusaren hedatzearengatik neurriak gogortu behar izan dituen AEBetako Florida estatuan. ©CRISTOBAL HERRERA / EFE

Urrundu da, baina ez desagertu

Gorka Berasategi Otamendi

AEBek eguneko kutsatzeen marka hautsi zuten ostegunean: 55.000 kasu baino gehiago. Afrikako Batasunaren esanetan, kontinenteak 48.800 milioi euro jasotzeari utzi dio COVID-19ak turismoan eragin duen krisia dela eta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna