Elikadura. Errezeta

Espagetiak txanpinoi, tomate fresko eta ziazerbekin

JUAN CARLOS RUIZ / ARGAZKI PRESS

Iker Markinez -

2011ko apirilak 16

OSAGAIAK

4 pertsonarentzako osagaiak:

500 gr espageti.

Lau tomate fresko.

200 gr txanpinoi.

Ziazerba sorta bat.

Bi baratxuri ale.

Tipulin bat.

Oliba olio birjina.

Gatza.

Tomateak garbitu, bihotza kendu eta azpialdean gurutze bat egin labanaren laguntzaz. Segidan, lapiko bat urez bete, gatza bota, eta berotzen jarri. Irakitean, tomateak bertara bota, eta, minutu batez eduki ondoren, beste ontzi batera atera, eta ur freskoaz hoztu.

Lapiko berbera urarekin irakiten mantendu, eta espagetiak bertan egosi sei bat minutuz. Hala ere, beti begiratu paketetxoan zenbat denbora gomendatzen duten, etxe bakoitzak bere denbora baitauka. Espagetiak egosita dauzkagunean, espegetiak ur hotzetan freskatu eta ondo iragazi. Gero, gorde.

Tomateekin jarraituz, azala kenduko diegu. Erditik moztu, eta hazitxoak kenduko dizkiegu. Ondoren, lauki forman moztu, eta gorde.

Txanpinoiak era berean garbitu, eta xafla finetan moztu.

Beste lapiko batean oliba olio zorrotada bat bota, eta su motelean jarri. Bertara tipulina pusketa txikietan moztuta bota, eta bost bat minutuz erregosi. Orduan, baratxuri aleak xehatuta gehitu, eta, jarraian, txanpinoi xaflak gehitu. Hori guztia beste bost minutuz erregosi ondoren, tomatea gehitu, gatz pittin bat bota, eta tomatea ongi desegin artean utzi hamabost bat minutuz su motelean.

Bitarte horretan, ziazerbak garbitu, zuztarrak kendu, eta labanarekin juliana moduan moztu, eta aurreko lapikora bota. Minutu pare batez eduki, eta saltsa guztia prest dugunean espagetiak gehitu. Bi koilara handiren laguntzaz kontuz nahastu espagetiak ongi berotu daitezen. Bukatzeko, txukun-txukun zerbitzatu plateretara.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna