Udan zein udazken hasiera honetan plazaraturiko hainbat kantu berri entzungo ditugu MurMur-en. Honako musikari eta taldeen piezak entzungo ditugu, euren murmurio eta oihartzun: AimarZ eta Kiliki; Xarma Leone, Mentza, Ezezez, Zea Mays, Izaro, Amorante, Izaki Gardenak eta M. Lecrêpe.
Udan zein udazken hasiera honetan plazaraturiko hainbat kantu berri enztungo ditugu MurMur-en. Honako musikari eta taldeen piezak enztungo ditugu, euren murmurio eta oihartzun: AimarZ eta Kiliki; Xarma Leone, Mentza, Ezezez, Zea Mays, Izaro, Amorante, Izaki Gardenak eta M. Lecrêpe.
11 urteko geldialdiaren ostean, Oskorriko sortzaile eta kantariak bere izenez kaleratu du 'Abandonatuak' lan berria, harizko laukote baten laguntzaz. Hure elkarrizketatuz abiatu dugu 'MurMur' saioaren ikasturte berria. Ahobizarrik gabe mintzatu da garai gordinez, musikaren trabez eta pozez, belaunaldi kontuez eta abar.
‘Lurra ikutu barik’ diskoa plazaratu zuen Ruper Ordorikak iazko urte hondarrean. Mintzatu zaigu diskoak egindako bideaz, baina baita bere ibilbideaz ere; solastu da egungo musikaren norabideaz, eta bere kezkez eta zalantzez. Hitz egin du beti kantuaren alde, eta oroitu du gogominez bere anaia Jonan ere. Saio honekin agurtuko gara uda ostera arte. Udaldi eta musika on!
Ekainaren 27an, larunbatarekin, kontzertua emango du Arberatzen (Nafarroa Beherea), EHZ jaialdian, Niña Coyote eta Chico Tornado taldeak. Biko horretako bateria jotzaile Ursula Strong elkarrizketatu dugu, eta larunbateko zein igandeko euskal taldeen partaidetza aipatu dugu, talde bakoitzaren kantu banarekin.
MurMur saio berezia da honakoa, EHZ jaialdiaren egitaraua errepasatzeko baliatu baitugu. Lehen saio honetan ekainaren 26ko egitaraua errepasatuko dugu, euskal taldeei erreparatuz. Gainera, XAK (Paxkal Irigoien) musikaria eta Maiena Uharte antolakuntza taldeko kidea elkarrizketatu ditugu.
‘Egin ez dugun guztia’ diskoa plazaratu zuen Vibora laukoteak otsailean. Lan bortitza bezain ederra. Taldeko kide Jorge Gonzalez (baxua) eta Xabi Arratibel (gitarra, ahotsa) izan dira gurean, eta aritu dira edertasunaz, malenkoniaz, soinuaz eta beste.
IbonRg-k eta Enrique Hurtadok Jon Miranderen ‘Zakhur hil bati’ poema musikatu dute; kantu horretatik abiatuta entzungo ditugu Fran Lasuen, Izukaitz, Imanol Lartzabal eta Georges Moustaki eta beste zenbait ere. Baita ere, Kattalin eta Nenufarrak-en, Marte Lasarteren eta Katiuskak-en azken kantuak ere.
Talde berezia eta bakarra da Big Boy, unibertso propio bat bere horretan. ‘Animaliak’ 19 minutuko pieza eta ‘Hildako anonimoak’ diskoa plazaratu dituzte kolpe batean. Musikaz, umoreaz, haize sekzioen garrantziaz eta beste solastu gara haiekin.
Ibon Salaberriak, Keu Agirretxeak eta Joseba Irazokik jarri dute MurMur saioaren lehen puntua, euren azken lanetako kantu bana ekarri baitugu saiora; Baga-Biga kantu ikonikoaren hainbat bertsio harilkatu ditugu eta Triggeren berriena, Big Boy-ren itzulerako kantu bat zein Gailü eta Nakarrek elkarrekin ondutako pieza bat ere entzun ditugu… eta haien guztien murmurio-oihartzunak ere bai.
AEBetan zehar egindako bidaia bat dokumentu musikal bilakatu dute Lide Hernandok (Bele) eta Iñigo Etxarrik. New Yorken hasi eta Chicagora lehenik, eta handik New Orlensera gero. Hotelez hotel, bluesaren eta musika beltzaren beste hainbat aldaeraren altzora. ‘Lurpeko trenbidea’ diskoa ondu dute esperientzia horretatik abiatuta, ahots eta gitarra, bertsioz-bertsio.
Udan zein udazken hasiera honetan plazaraturiko hainbat kantu berri enztungo ditugu MurMur-en. Honako musikari eta taldeen piezak enztungo ditugu, euren murmurio eta oihartzun: AimarZ eta Kiliki; Xarma Leone, Mentza, Ezezez, Zea Mays, Izaro, Amorante, Izaki Gardenak eta M. Lecrêpe.
Etxebizitzaren auzia du hizpide Berriketan saioaren atal honek. Espainiako Gobernuak bi dekretu onartu ditu, eta ostiralean ikusiko da Diputatuen Kongresuak babesten ote dituen. Etxebizitzaren krisiari aurre egiteko neurri sorta bat da, eta litekeena da maizterren alokairu kontratuak automatikoki berritzeko aukera bertan behera gelditzea EAJ eta Junts alderdiak «etxejabe txikiak babesteko» asmoa agertu baitute. Paulo Ostolaza BERRIAko etxebizitza gaietako kazetariak azaldu digu dekretuetan jaso dutena, baita Erandion, Donostian eta Iruñean inbertsio funtsen mesedetan etxebizitza gal dezaketen 1.100 familia baino gehiagoren egoera ere.
Nazio Batuen Erakundea du hizpide Berriketan saioaren atal honek. Irailaren 22tik 28ra iragan da NBEko Batzar Nagusiko eztabaida orokorra, eta diskurtso belizistak zein mehatxuak nagusitu dira oholtza gainean. Nazio Batuen Erakundearen helburuez, ezinez, gaur egungo egoeraz eta eztabaida orokorrak eman duenaz hitz egin digu Arantxa Elizegi Egilegor BERRIAko editoreak.
Goñitarren leinuko Teodosio gerrara joan zen VIII. mendean mairuen kontra borrokatzera. Gerratik itzuli zenean, Beltzebu agertu zitzaion erromesez mozorrotuta eta kontatu zion Konstantza bere emaztea zerbitzariarekin maite-kontuetan zebilkiola. Beltzebuk esandakoak eragindako suminak itsututa eta laidoa ezin jasanik, etxeratu bezain laster, izarapean ziren bi gorputzak ezpataz sastakatu eta hil egin zituen Teodosiok. Amorru batean utzi zuen atzean etxea, odolez blaitutako maitaleen gorpuei begiratzera ausartu gabe. Kaleratu orduko harri eta zur geratu zen, ordea, Konstantza emaztea elizatik airoski irteten ikusi zuenean: Konstantza eta bere maitalea ez, bere gurasoak hil zituen nahi gabe Teodosiok; jakin gabe Konstantzak etxean egun batzuk pasatzera gonbidatu zituela.
'Aranburu auziko' epaiketa du hizpide Berriketan saioaren atal honek. Talde neonazi bati lotutako lau lagun kondenatu dituzte krimen horrengatik; Loik Le Priol 26 urteko kartzela zigorrera kondenatu dute Arambururen hilketagatik, eta Romain Bouvier 19 urteko kartzela zigorrera, Aramburu hiltzen saiatzeagatik. Oihana Teyseyre Koskarat BERRIAko kazetaria Parisko Krimen Auzitegian izan da epaiketaren berri bertatik bertara ematen, eta han gertatutakoa kontatu digu.
Ostiral arratsaldea argi berezi batek hartu zuen New Yorken. Ametsetakoa zirudien. Urrezkoa, laranja, gorria. Aurreko egunetako ilunabarrak ere ikusgarriak izan ziren, baina hark bazuen beste zerbait. Ez zuen lasaitasuna transmititzen, ezinegona baizik. Hain zen ederra, ezen zerbait txarra ekarriko zuela baitzirudien.
—Munduaren akabera datorrela ematen du —esan zidan espaloian zeruari argazkia ateratzeko geratu zen emakume batek.
Ez zen bakarra. Hiriaren abiadura geldiarazi zuen argi hark.
Asteburuan The New York Times-en David Wallace-Wellsi irakurritako artikulu batekin gogoratu nintzen. Ez ote garen apokalipsian gehiegi pentsatzen ari zioen: klima aldaketa, COVIDa, hirugarren mundu gerra, eta orain adimen artifizialaren mehatxua.
Ez zien mehatxu horiei garrantzirik kentzen. Galdera beste bat zen: zer gertatzen zaigu etorkizuna irudikatzen dugunean hondamendia besterik ikusten ez badugu?
Zer ari gara gazteei transmititzen? Mundua amaitzear dagoela, ez dagoela etorkizunik; eta, gainera, ez dakitela ez irakurtzen ez idazten.
Esan genezake, ordea, gauzak aldatzeko aukerak badaudela. Garaipen zibil eta sozialei esker mundua gauza askotan hobetu dela. Eta, bai, badagoela oraindik hobeto egiteko aukera.
Apokalipsiak beldurra sortzen du, eta beldurrak geldiarazi egiten zaitu.
Gauza horiek buruan nituela, fantasiazko argi hura urtu egin zen eta gauak hartu zuen hiria.
Eta biharamuna ere iritsi zen, ezustean bezala.
