Bi aste pasatu dira Valentziako zenbait herri urak hartu zituenetik. Lohiak han dirau, eta ehunka dira asteburuan laguntzera joan direnak. Isabel Jaurena BERRIAko berriemaile bereziak bertatik bertara kontatu du boluntario talde baten lana.

Valentziako uholdeak ditu hizpide 'Berriketan' saioaren atal honek. Tanta hotzaz eta halako fenomeno meteorologiko kaltegarriei aurre egiteko egin beharrekoaz aritu dira Iker Ibarluzea meteorologoarekin, eta herri kaltetuetako egoera azaldu du Asier Agirre suhiltzaileak, han lanean aritu baita zenbait egunez.

Mediterraneoan jazo diren uholdeen berri ematerakoan kazetari batek egin duen iruzurra kritikatu du bere iritzi zutabean Andoni Egaña bertsolariak. Halako albisteak ongi transmititzeko izaten diren zailtasunak ere azpimarratu ditu.

Gobernuak emakumezkoen janzkera gehiegi kontrolatzen duela salatzeko, oraindik identifikatu ez duten ikasle batek kalera barruko arropa soilik jantzita irtetea erabaki zuen joan den astean, Teheranen. Atxilotu egin zuten, eta oraindik ez dago haren berririk.

Adimen artifiziala artea egiteko gai ote den galdera du abiapuntu Ikusgelaren bideo pedagogiko honek. Bideo honekin ekin diote ikasturte honetan Erronka Digitalen sortari.

Sare sozialek, liburuek eta telesailek guztiz aldatu dute nerabeek sexualitateaz duten ikuspuntua. Carmen Ruiz Repullo soziologoaren erranetan, neskak «hipersexualizaziora» bultzatzen dituzte harremanetan, eta mutilak, berriz, «sexu demostraziora».

Etxebizitza duin bat lortzerik ez duten familien egoera du hizpide Berriketan saioaren atal honek. Fawzi Xerifen familia logela bakarrean bizi da Iruñean. 450 euro ordaintzen ditu familiak etxe duen gela bakarrarengatik.

Haienean izan da Edurne Elizondo Nafarroako Hitzako zuzendaria, eta haien egoeraz hitz egin du.

Umetan, bere familiaren laguna zen musika irakasleak sexu abusuak egin zizkion Adrian Garcia de los Ojos aktore eta konpositoreari. Sufrikarioa kontatu nahi du, berak pairatutakoa beste inork paira ez dezan.

Iazko urriaren 7tik, urtebetean, Israelgo armadak 41.788 pertsona hil ditu Gazako eremu estu eta populatuan; alegia, Basauriko (Bizkaia) biztanle guztiak baino gehiago. Eta 96.359 lagun zauritu ditu; alegia, Barakaldoko (Bizkaia) biztanle ia guztiak zauritu balitu bezala.