Harrabots handia eragin dute Errenterian kultur munduaren esparruan gertatu eta azken egunetan azaleratu diren bi kasuk. Haietako batean behintzat, zapuztu egin da mugimendu feministak eta erasoen biktimek egin nahi zuten bide isila. Biktimen borondatea errespetatzearen garrantzia azpimarratu du mugimendu feministak berriz ere.

Teknologia berriek harremanak eraldatzeko duten ahalmena erakusten du 'ghosting' izeneko fenomenoak. Adituen arabera, jendeak gatazkak kudeatzeko dituen zailtasunen ondorio da, baina harreman toxikoetatik ihes egiteko aukera ere eman dezake.

Diru laguntza publiko asko baditu ere, armagintzako inbertsioak ez dio onurarik ekartzen enplegu sorrerari, esate baterako. Hala ondorioztatu du armagintzaren inguruko ikerlari Khem Rogalyk. Gerra eta militarismoa sustatzeaz gain, klima larrialdian gehien eragiten duten sektoreetako bat ere bada.

Hainbat ikaslek iragarria zuen aurtengo Baxoko azterketan planto egin eta euskaraz erantzungo zituztela galderak. Orain, Hezkuntza Ministerioak Seaskari hitzeman dio azterketa horiek zuzenduko dituztela. 2028tik aitzina, gainera, azterketaren zati bat euskaraz egin ahal izanen da. Hori guztia dela eta, iragarritako mobilizazioak bertan behera utzi ditu Seaskak.

Drogen kontsumoaren arazoari heldu dio Leire Yue Ortubai kazetariak, eta arazo horretan murgilduta dagoen jendearekin hainbat elkarrizketa egin ditu erreportaje baterako. Lan horrekin irabazi du Komunikazioko GRALen BERRIA saria.

Azken urteotan gero eta nabarmenagoa da turismoa Euskal Herrian izaten ari den inpaktua. Etxebizitzen prezioetan ez ezik, beste alor askotan eragiten du urtero gero eta turista gehiagok Euskal Herriko hiri eta naturaguneetara egiten dituzten bisitek. Ingurumenean duen eragin hori ekarri du gogora Arrate Zelaiak artikulu honetan.

Eva Domingo Otero kazetariak isiltasuna ikertu du, eta, haren hitzetan, behar-beharrezkoa da; izan ere, zaratan etengabe murgilduta bizitzeak zoriontasunetik aldentzen gaitu.

Adimen artifizialak ematen dituen aukerak azterketetan amarruak egiteko erabil daitezkeenez, aurtengo selektibitatean frekuentzia detektagailuak erabiltzeko erabakia hartu dute. Horrek sorrarazi dio gogoeta hau Jon Muñoz irakasleari. Haren iritziz, proba horretan ez ezik, gainerako beste batzuetan ere jarri beharko lirateke indarrean antzeko neurriak.

Montejurra mendian bi gazte hil eta hainbat lagun zauritu zituzten duela mende erdi eskuin muturreko zenbait kidek. Espainiako Gobernua zegoen sarraskiaren atzean. Berriketan Podcastean gertakari hura hartu dute hizpide: 'Tiroak karlismoaren bihotzean'.