Euskararen estatusa gaztelaniaren parekoa izateko manifestatu dira ELA, LAB eta Steilas sindikatuak Bilbon. Azken hilabeteotan, eraso judizialak ez ezik, gai horren inguruko albisteen soka luzea izan da. Erreportaje honetan hainbat argibide eta gako eman ditu BERRIAk, auzia zertan den hobeto ulertu ahal izateko.

Xenometer izena dauka sare sozialetako mezu xenofoboak identifikatzen dituen tresnak. Nazioarteko ikerketa talde batek garatu du adimen artifiziala baliatzen duen proiektua.

Ekainaren 12an pasatu beharko dute baxoko azterketa leheneko ikasleek. Erran dute azterketak euskaraz eginen dituen lehen belaunaldia izan nahi dutela.

Carlos Garaikoetxea 87 urte zituela hil da, bihotzekoak jota. EAJko kide izan zen, baina, alderdiarekin desadostasunak izan eta dimisioa eman ostean, beste talde politiko bat sortu zuen: Eusko Alkartasuna.

Nontokozo Sabic Hegoafrikan jaio zen. Arrazakeria lantzeko ikastaroak ematen ditu, baina zuriak jartzen ditu jopuntuan. Mendebaldearen zimenduetako bat supremazismoa dela dio.

Heroinaren eta hiesaren ondorioz hildakoen senideek bizi izandako mina jaso dute dokumental batean Anne Zufiaurrek eta Alex Areizagak. Urretxun eta Zumarragan 115 gazte hil ziren.

Euskal Hirigune Elkargoak lehendakari abertzalea izango du lehen aldiz: Alain Iriart. Ipar Euskal Herriko lehen instituzio propioa da; Lapurdi, Nafarroa Behere eta Zuberoaren perimetroa markatzen duen lehen instituzioa, alegia. 

Etxebizitzaren arazoari eta emantzipatzeko gazteek izaten duten ezinari konponbidea emateko beharra adierazi du Iratxe Uriartek, eta politika publikoetan gazteen benetako parte hartzea bideragarri egiteko eskatu du.

Eskuin muturra hitz eta forma berriak erabiltzen ari da sare sozialetan. 'Kriptobro', 'tradwife', 'incel' eta gisakoen ezaugarriak eta gertakari historikoekin dituzten loturak aztertu dituzte Paula C. Chang eta Andrea Galarretak ikertzaileek liburu batean.