Loaren paralisia du hizpide Berriketan saioaren atal honek. Esnatzea eta gorputza ezin mugitzea: hori da loaren paralisia, eta uste baino ohikoagoa da. Iñigo San Martinek bere esperientzia kontatu digu, maiz izaten baitu loaren paralisia. Gaiari buruzko xehetasunak, berriz, Itsaso Jauregi BERRIAko zientzia gaietako kazetariak eman dizkigu.

AEBk Venezuelari egindako erasoa du hizpide Berriketan saioaren atal honek. Urtarrilaren 3an AEBetako armadako hegazkinek Venezuela bonbardatu eta Nicolas Maduro presidentea eta haren emazte Cilia Flores bahitu zituzten. Amerikako beste herrialdeetan esku-hartze anitz egin dituzte AEBk azken 200 urteotan; Monroe dotrina eta horren bilakaera dago jarrera inperialista horren atzean, beraz, testuinguru historiko hori azaldu digu Mikel Rodriguez BERRIAko editoreak.

Zestoako sei lagunen aurkako epaiketa du hizpide Berriketan saioaren atal honek. 2018an gizon batek bere emakume bikotekide ohia eta haren bost lagun salatu zituen integritate moralaren kontrako delitu batengatik, baina epaiketako testigantzek bestelako errealitate bat agertu dute, akusatutako emakumeak esan baitu akusatzaileak tratu txarrak eman zizkiola, eta gainerako akusatuek babestu baizik ez zutela egin. Oihana Elduaien Uranga BERRIAko kazetariak bertatik bertara jarraitu du auzi saioa eta xehetasunak kontatu dizkigu.

Oldarraldia eta pizkundea ditu hizpide Berriketan saioaren atal honek. Bi urte eskasean ehun sententzia baino gehiago eman dituzte euskararen normalizazioaren kontra, eta euskararen kontrako oldarraldiaren aurrean, Kontseiluak euskalgintzaren indar erakustaldia eginen du abenduaren 27an, Bilbo Arenan, Pizkundea ekitaldiaren bidez. Euskararen egoeraz eta Kontseiluaren ekitaldiaz aritu zaigu Arantxa Iraola BERRIAko kazetaria.

Urdaibaiko Guggenheim proiektua du hizpide Berriketan saioaren atal honek. Proiektua bertan behera uztea erabaki du Bilboko Guggenheim museoaren patronatuak, korapilo legalak aipatuta, baina Guggenheim Urdaibai Stop plataformak herri mobilizazioari atxiki dio garaipena. Luze jo duen istorio honen azken berriak eta gakoak azaldu dizkigu Iñigo Astiz BERRIAko kultur kazetariak.

Txileko hauteskundeak ditu hizpide Berriketan saioaren atal honek. Pinocheten diktadura bukatu zenetik, lehenbiziko aldiz ultraeskuindar batek aginduko du herrialdean: Jose Antonio Kastek. Hauteskundeen emaitzez eta herrialdeko testuinguruaz aritu gara Julen Otaegi Leonet BERRIAko Mundua saileko kazetariarekin.

Martxoaren 17ko greba orokorra du hizpide Berriketan saioaren atal honek. Euskal sindikatuek 1.500 euroko gutxieneko soldata ezarri nahi dute Hego Euskal Herrian, eta patronalarekin zein erakunde publikoekin adostasunik lortu ez dutenez, greba orokorrerako dei egin dute. Imanol Magro Eizmendi BERRIAko ekonomia saileko kazetariak aldarrikapen horri buruzko nondik norakoak azaldu dizkigu.

Adimen artifiziala du hizpide Berriketan saioaren atal honek. Adimen artifiziala noiz eta nola erabili daitekeen arautu du BERRIAk bere estilo liburuan, eta jardunaldiak antolatu ditu adimen artifizialak kazetaritzan izan duen eraginaz hausnartzeko. Eider Goenaga Lizaso BERRIAko zuzendari ordeak gai horri buruz hitz egin digu.

Euskararen Erakunde Publikoa du hizpide Berriketan saioaren atal honek. Bi urte iraun du EEPren berritzearen inguruko krisiak: EEPk eskatu zuen partaide bakoitzak 650.000 euro gehitzea diru ekarpenari, baina Euskal Elkargoak baizik ez zuen onartu. Azkenerako, bakoitzak 100.000 euro gehituko ditu. Ekhi Erremundegi Beloki BERRIAk Baionan duen ordezkaritzako kazetariak azaldu dizkigu auzi honen xehetasunak.

Lurrikarak ditu hizpide Berriketan saioaren atal honek. Berriki 4 graduko lurrikara izan da Araban, inguru horietan erregistratutako lurrikararik handiena. Euskal Herrian tarteka izaten dira lurren mugimenduak, gehienak Pirinio inguruetan, baina ez da arrisku sismikoko inguru bat. Arturo Apraiz geologian doktore eta EHUko irakasleak eman dizkigu lurrikarei buruzko azalpenak.