Gazteek jokoarekin dituzten arazoak ditu hizpide Berriketan saioaren atal honek. Nafarroako datuak ikusita, alarma jo dute ludopatiaren laguntzan eta prebentzioan ari direnek: 14 eta 18 urte arteko gazteen %4k joko nahasmendua dute, eta 15 urterekin hasten dira gazteak ausazko jokoetan. Eskura ditugun datuak aztertu eta egoera zein den analizatu du Julen Ugartemendia Carcedo Nafarroako Hitzako kazetariak. 

Euskal eta palestinar selekzioen arteko partida du hizpide Berriketan saioaren atal honek. Ez da ohiko partida izanen, alde batetik, Palestinako selekzioaren egoera zailarengatik, Israelek bi urte baitarama gazatarren kontrako genozidioa egiten; bestetik, euskal selekzioa ez delako ofiziala. Beraz, aldarrikapenak nagusituko zaizkio lehiari. Partidari eta testuinguruari buruzko gako nagusiak azaldu dizkigu Ainara Arratibel Gascon BERRIAko Kiroletako koordinatzaileak. 

Antisorgailuak ditu hizpide Berriketan saioaren atal honek. OMEren zerrendan 20 agertzen dira, askotarikoak, baina horietatik soilik bi dira gizonentzat. Horrek argi uzten du haurdunaldia saihesteko ardura emakumeen bizkar gelditu ohi dela. Gai horri buruzko xehetasunak eman dizkigu Ana Galarraga Aiestaran Elhuyar Zientzia aldizkariko zuzendariak.

Jose Antonio Jainaga Sidenor enpresako presidentea du hizpide Berriketan saioaren atal honek. Espainiako Auzitegi Nazionalak deklaratzera deitu ditu Jainaga eta Sidenor enpresako zuzendaritzako beste bi kide. Leporatzen dietena larria da: Kontrabandoa eta gizateriaren aurkako delitua. Imanol Magro Eizmendi BERRIAko Ekonomia saileko kazetariak auzi horren ertz guziak azaldu dizkigu.

San Juan baleontzia du hizpide Berriketan saioaren atal honek. Azaroaren 7an uretaratu zuten, Pasaian, ekitaldi handi batean. XVI. Mendeko baleontziaren erreplika da, garai hartako teknikak erabiliz eraiki dutena. Azkenengo lanak egin ondotik, 2027an itsasoratu eta Kanadara iristea nahi du Albaola itsas kultur faktoriak. Ekitaldia bertatik bertara jarraitu du Enekoitz Telleria Sarriegi BERRIAko kazetariak, eta proiektuaren nondik norakoak azaldu dizkigu.

Spotifyren kontrako boikota du hizpide Berriketan saioaren atal honek. Euskal Herriko zenbait musika taldek haien lanak Spotifytik kendu dituzte, musika streming bidez entzuteko plataformak armagintzan egindako inbertsioengatik. Horri buruzko hitzaldia egin dute Iruñeko Geltokin. Uxue Rey Gorraiz Berriako kultur kazetaria han izan da, eta auzi horren ertz guziak azaldu dizkigu.

Sexu erasoen definizio juridikoa du hizpide Berriketan saioaren atal honek. Aurrerantzean, Euskal Herri osoan onespena egonen da zentroan sexu erasoei buruzko epaiketetan. Izan ere, Frantziako Senatuak onartu du zigor kodean sexu erasoen definizioari «onespena» gehitzea, Espainiak 2022an onartu zuen legearen bide bera hartuta. Gai horri buruzko gakoak azaldu dizkigu Maite Asensio Lozano BERRIAko feminismo gaietako arduradunak.

Eusko Jaurlaritzaren etxebizitza politika du hizpide Berriketan saioaren atal honek. Araban, Bizkaian eta Gipuzkoan etxebizitzak eraikitzeko prozedurak azkartzeko lege proposamena aurkeztu dute EAJk eta PSEk. Eusko Legebiltzarrean ez du oposizioaren babesik izanen; kanpoan, ekologistak eta etxebizitza sindikatuak aurka agertu dira, izan ditzakeen ondorioengatik. Gai horri buruzko gakoak azaldu dizkigu Iñaut Matauko Rada BERRIAko kazetariak.

Egiaren batzordeak ditu hizpide Berriketan saioaren atal honek. Louis Joinet institutuak GALen garaiko estatu terrorismoari buruzko egia agerrarazi nahi du, eta horretarako, besteak beste, egiaren batzorde bat ere osatu nahiko luke. Tresna horrek zertarako balio duen azaldu digu Iosu Alberdi BERRIAko politika gaietako kazetariak.

Tutankamonen momiaren aurkikuntza du hizpide Berriketan saioaren atal honek. Duela ehun urte azaleratu zuten faraoiaren momia, mundu osoan zabaldu zuen ikusmira eta jantzita zeraman urrezko maskara Antzinako Egiptoko zibilizazioaren ikur bilakatu da. Aurkikuntza horri buruzko xehetasunak azaldu dizkigu Amaia Igartua Aristondo BERRIAko Bizigiro saileko kazetariak.