Euskal selekzioaren eta Venezuelakoaren arteko partida du hizpide Berriketan saioaren atal honek. Bihar, larunbata, jokatuko dute partida gizonezkoen selekzioek San Mamesen. Alde batetik, euskal selekzioaren ofizialtasuna aldarrikatuko dute, eta, bestetik, Venezuelari esker ona adierazi, 36ko gerraren ondotik erbesteratutako euskal herritar ugariri aterpe emateagatik. Ainara Arratibel Gascon BERRIAko Kiroletako koordinatzaileak eman dizkigu partidari buruzko xehetasunak.

Azaroaren 11ko greba orokorra du hizpide Berriketan saioaren atal honek. Etxebizitza eskubidearen alde greba arrakastatsua egin zuten atzo Hego Euskal Herrian. Langileen sindikatu nagusiek eta etxebizitza sindikatuek deitutako greba orokorraren soinu kronika eta Isabel Jaurena BERRIAko Gizarte saileko koordinatzailearen azalpenak bildu ditugu atal honetan.

Azaroaren 11ko greba orokorra du hizpide Berriketan saioaren atal honek. Sindikatu nagusiek eta etxebizitza sindikatuek egin dute deialdia Hego Euskal Herrirako, «etxebizitza eskubidea bermatu dadin eta espekulazioari ezetz esateko». Greba orokorrari buruzko xehetasunak eman dizkigu Nerea Azkona Galarraga Euskal Herriko Etxebizitza Sindikatuko kideak.

BERRIAko lantaldeak bat egin du greba deialdiarekin, beraz, bihar ez da Berriketan podcastaren atalik izanen. Etzi, grebaren berri emanen dugu.

Abaunzko kobazuloko aurkikuntza du hizpide Berriketan saioaren atal honek. Duela 46.000 urte inguruko neandertal heldu baten eskuin eskuko zenbait hezur agertu dira, eta Nafarroan aurkitutako giza arrastorik zaharrenak dira. Neandertalen azken aroaz ikertzeko eta haien desagertze prozesuan sakontzeko baliagarriak izanen dira arrasto hauek. Edurne Elizondo Nafarroako Hitzako zuzendariak eman digu aurkikuntzaren berri.

AEBetako agintaldi erdiko hauteskundeak ditu hizpide Berriketan saioaren atal honek. Demokratek Kongresuko kontrola izanen dute aurrerantzean, Ordezkarien Ganberan eta Senatuan, bietan lortu baitute gehiengoa. Horrek zaildu eginen du Donald Trump presidentearen jarduna gelditzen zaizkion bi urteetan. Hauteskundeen emaitzen analisia egin du Aitor Garmendia Etxeberria BERRIAko Mundua saileko kazetariak.

 

Osakidetzako langileen greba du hizpide Berriketan saioaren atal honek. Osakidetzak eta Euskadiko Medikuen Sindikatuak mahai sektorialetik kanpo hitzartutako itunak gainerako langileen haserrea eragin du, beraz, Eusko Jaurlaritzak su bat itzaltzearekin batera beste bat piztu du. Mahai sektorialeko sindikatu gehienek greba egin zuten urriaren 30ean, eta protesta gehiago eginen dituzte abenduan. Osakidetzako langileen egoeraz, eskariez eta mobilizazioez aritu gara Jakes Goikoetxea BERRIAko kazetariarekin.

PAI programa du hizpide Berriketan saioaren atal honek. Nafarroan PAI eskaintzen duten D ereduko ikastetxeen %60k programatik ateratzeko bidea hasi dute, baina oraindik ikastetxe gehiagok dute eskaria egiteko aukera. Ion Orzaiz BERRIAko gizarte gaietako kazetariak azaldu digu zein diren ikastetxe horiek, zein den PAI programaren egoera eta zein diren sortzen dituen arazoak.

Bizkaiko EAJ du hizpide Berriketan saioaren atal honek. Elixabete Etxanobe Bizkaiko ahaldun nagusiak ez du bere karguan jarraituko hauteskundeen ondotik, Bizkai Buru Batzarrak ezustean erabaki baitu Ibone Bengoetxea izanen dela ahaldun nagusigaia. Xabier Martin BERRIAko politika gaietako kazetariak Bizkaiko EAJn gertatutakoa aztertu du.

Minbizia eta haren instrumentalizazioa ditu hizpide Berriketan saioaren atal honek. Urrian dena arrosa kolorez janzten da bularreko minbiziaren aurkako egunaren karietara, baina askotan negozioa gailentzen da kontzientziazioaren gainetik. Zuriketa arrosa deitzen zaio horri ere. Iñurri elkarteak bestelako kanpainak egiten ditu, tabuak hautsi eta kontzientziak pizteko. Instrumentalizazio horretaz eta minbiziaren errealitateez aritu zaigu Miren Cuerdo Izagirre Iñurri elkarteko koordinatzailea.

Israelgo hauteskundeen emaitzak ditu hizpide Berriketan saioaren atal honek. Ez Benjamin Netanyahu lehen ministroaren blokeak ez oposizioko blokeak ere ez dute lortu gehiengo absoluturik, eta, beraz, alderdi arabiarrek izan dezakete Israelgo Gobernua osatzeko giltza. Beñat Mujika Telleria BERRIAko Mundua saileko kazetariak aztertu ditu Israelgo hauteskundeen emaitzak eta gobernua osatzeko aukerak.