Hilarri borobilak ditu hizpide Berriketan saioaren atal honek. Euskal Herria da munduan halako estela gehien duen lurraldea, eta ondare etnografiko honen inguruko datuak, lanak eta aldarriak azaldu dizkigute Kristina Berasain Tristan BERRIAko kazetariak eta Koldo Colomo Castro etnografiaren zale amorratuak.

Alemaniako presidentearen bisita eta barkamen eskariak ditu hizpide Berriketan saioaren atal honek. Frank-Walter Steinmeier Alemaniako presidentea eta Felipe VI. Espainiako erregea Gernikan izanen dira gaur, eta agintari alemaniarrak barkamena eskatuko du 1937ko bonbardaketarengatik. Baina zertarako balio du barkamenak hainbeste urte pasa ondoren? Horri buruz aritu gara Gurutze Izagirre Intxauspe BERRIAko Politika saileko koordinatzailearekin eta Iosu Chueca Intxusta historialariarekin.

Berbintzanan agertutako ibis ermitaua du hizpide Berriketan saioaren atal honek. Galtzeko arrisku handian dagoen hegazti espeziea da, eta Euskal Herrian ikusi duten lehenbiziko aldia izan da. Orduan, zertan ari zen ibis ermitau bat Nafarroan? Geruza askoko istorio hau Enekoitz Telleria Sarriegi BERRIAko Bizigiro saileko kazetariak kontatu digu.

Artistentzako oinarrizko errenta du hizpide Berriketan saioaren atal honek. Euskal Artisten II. Mintegian agerian gelditu da euskal kulturgileen egoera prekarioa. Hori dela eta, Irlandara begira paratu gara, han artistentzako oinarrizko errenta probatu ondoren, neurri iraunkor izanen baita. Iñigo Astiz BERRIAko kultur kazetariak eman digu programa horren nondik norakoen berri.

Indarkeria matxista du hizpide Berriketan saioaren atal honek. Azaroaren 25a Indarkeria Matxistaren Aurkako Nazioarteko Eguna denez gero, gaiari buruzko gakoak eman dizkigu Isabel Jaurena BERRIAko Gizarte saileko koordinatzaileak.

Antiabortisten kontrako epaiketa du hizpide Berriketan saioaren atal honek. Joan den astean 21 lagun epaitu zituzten 2022an Gasteizko Askabide klinikaren aurrean bilduta, hara joaten ziren emakumeei jazartzeagatik. Koakzio eta hertsatze delitu bat leporatzen diete. Edurne Begiristain BERRIAk Gasteizen duen egoitzako kazetariak auzi horren ertz guziak azaldu dizkigu.

Cerdan auzia du hizpide Berriketan saioaren atal honek. Santos Cerdan PSOEko antolakuntza idazkari ohia espetxetik atera da, baina epaileak dio haren kontrako zantzuak indartu egin direla. Ustelkeriagatik dago auzipetuta. Guardia Zibilaren UCO unitatearen bigarren txostena ezagutu dugunez gero, Joxerra Senar BERRIAko kazetariarengana jo dugu auziaren bigarren parte hau hobeki ezagutzeko.

Francoren heriotza du hizpide Berriketan saioaren atal honek. Gaur duela 50 urte hil zen diktadorea, eta efemeridea aprobetxatuz, BERRIAlagunei egun hura nola bizi izan zuten galdetu diegu. Arantza San Sebastianek, Jabier Altzorrizek, Izaskun Etxeberriak, Kontxita Beitiak eta Aitor Iturriagak haien testigantza bidali digute. Bukatzeko, Mikel Peruarena Ansa BERRIAko editorearekin hitz egin dugu gaiari buruz.

Ignacia Zabalo Nor-Nai ilustratzailea du hizpide Berriketan saioaren atal honek. Ezagutzen den lehenbiziko emakume irudigile profesional euskalduna izan zen, eta emakume izateagatik, Nor-Nai ezizena erabili behar izan zuen lan egin ahal izateko. Bere omenezko erakusketa abenduaren 18ra arte ikusgai da Donostiako Aiete kultur etxean. Zabaloren bizitzan eta lanean arakatu du Iratxe Muxika Karrion BERRIAko kazetariak.

Euskal eta palestinar selekzioen arteko partida du hizpide Berriketan saioaren atal honek. Larunbatekoa egun historikoa izan zela nabarmendu zuen Palestinako selekzioak, eta, egia esan, espektatiba guziak gainditu zituen. Aldarrikapenez jositako egunaren audio kronika da hau.