Aroztegia, lurraren defentsatik harago doan herri borroka

Kinka

Aroztegia, lurraren defentsatik harago doan herri borroka

2025eko urtarrilaren 28a

Nagore Arin

Hirugarren denboraldiko zazpigarren atalean, Aroztegiko auziari heldu dio Kinka podcast saioak, Gorka Laurnaga Aroztegiko Elkartasun Komiteko kidearekin. Auziaren giltzarri nagusiei buruz ez ezik, auziaren atzean gordetzen denaz, epaiketari begira auzipetuek duten gorpuzkeraz eta denbora honetan guztian jaso duten eta ez duten babesaz ere solastatu da Laurnaga. Hiztegian, berriz, Copernicus Zerbitzuaren urtez urteko txostena xehatu dute Nagore Arin eta Oli Artola solaskideek.

Gaiak

Atal gehiago

Aroztegia, Urdaibai eta Marienea: lurraren defentsarako hiru adibide

2025eko ekainaren 17a

Hirugarren denboraldiko azken ale honetan, lurraren defentsarako hiru adibide jarri ditu fokupean Kinka saioak: Aroztegia, Urdaibai eta Marienea. Ekainaren 5ean Nafarroako Antzerki Eskolaren aretoan, Iruñean, egindako jendaurreko atala da, Gorka Laurnaga, Eider Gotxi eta Joana Detxart ekintzaileekin.

00:00:00 00:00:00

Kinkaren Bonus Tracka: Maika Etxekopar

2025eko ekainaren 10a

Hirugarren denboraldi honetan, Bonus Tracka izango du Kinka saioak. Hamabostean behin argitaratutako ale nagusiaren osagarri izango da; izan ere, galdera berdin bati erantzungo diote elkarrizketatu guztiek, eta euren lan, jardun edo ikerketa arlotik etorkizuna nola amesten duten azalduko dute. Hemengo honetan, Maika Etxekopar.

00:00:00 00:00:00

E-cho proiektuaren nondik norakoak eta biokerosenoaren afera

2025eko ekainaren 3a

Hamabostaldi honetan, Ipar Euskal Herriko oihan eta basoetan ondorio larriak eragin ditzakeen E-cho proiektuaren nondik norakoak eta biokerosenoaren afera aztertu ditu Kinka saioak, Oihanak Denen Ondasun taldeko Maika Etxekopar kidearekin. Hiztegian, berrelikadura positiboaz aritu dira Nagore Arin eta Oli Artola.

00:00:00 00:00:00

Kinkaren Bonus Tracka: Josu Naveda eta Txapu Martin

2025eko maiatzaren 27a

00:00:00 00:00:00

Ba al da turismo jasangarririk?

2025eko maiatzaren 20a

Ale honetan, turismoaren aferaz hitz egin du klima eta natura krisiari buruzko Kinka saioak. Sortzen dituen kalte askotarikoak xehatzeaz gain, turismo jasangarrik posible ote den hausnartu dute Josu Naveda eta Txapu Martin ekintzaileek. Hiztegian, Atacamako basamortuaz aritu dira Nagore Arin eta Oli Artola.

00:00:00 00:00:00

Kinkaren Bonus Tracka Iñaki Barcena eta Leire Urkidi

2025eko maiatzaren 12a

00:00:00 00:00:00

Naturaren eskubideen aitortza, paradigma aldaketa baten aurrean

2025eko maiatzaren 5a

Hamabostaldi honetan, naturaren eskubideak, eta, batez ere, eskubide horien aitortza izan du hizpide klima eta natura krisiari buruzko Kinka saioak. Horretarako, Iñaki Barcena eta Leire Urkidi EHUko Ekopol taldeko kideak izan ditu bidelagun. Hiztegian, espezie inbaditzaileez aritu dira Nagore Arin eta Oli Artola.

00:00:00 00:00:00

Zohikaztegiak: hezegune baino, arnasgune ingurumenarentzat

2025eko apirilaren 8a

Zohikaztegiak ditu hizpide Kinka podcastaren hirugarren denboraldiko hamabigarren saioak. Hezeguneak dira funtsean, eta oso garrantzitsuak eta onuragarriak dira klima eta natura krisiaren zein ekologiaren ikuspuntutik. Hiztegian, naturaren eskubideak.

00:00:00 00:00:00

Kinkaren Bonus Tracka: Mikel Lorda

2025eko apirilaren 15a

00:00:00 00:00:00

Kinkaren Bonus Tracka: Ibai Rico

2025eko apirilaren 1a

00:00:00 00:00:00

Podcastak

MurMur

EHZ-Murmur |Ekainaren 26ko egitaraua, Xak ekin eta Maiena Uharterekin elkarrizketa

MurMur saio berezia da honakoa, EHZ jaialdiaren egitaraua errepasatzeko baliatu baitugu. Lehen saio honetan ekainaren 26ko egitaraua errepasatuko dugu, euskal taldeei erreparatuz. Gainera, XAK (Paxkal Irigoien) musikaria eta Maiena Uharte antolakuntza taldeko kidea elkarrizketatu ditugu.

00:00:00 00:00:00

Euskal Herriko historia 100 objektutan

Axtrokiko ontziak

Axtrokiko Ontzien kasua izen oker baten adibidea izan liteke, zorrotz jarriz gero betiere. Duela 2.500 edo 2.800 urte bitarteko urrezko pieza hauei ontzi deitu izan zaie, baina ez fede txarrez, Erik Thorvaldsonn -Erik Gorriak- bere herrikide kolonoak engainaturik erakartzeko Groenlandia irudimenean berdez margotu zuenean bezala. Axtrokiko piezei ontzi deitzea izan liteke kakalardo pilotagile batek pilotarik ez egitearen parekoa. Azken hipotesiek xaman edo aztien jarduerekin lotzen dituelako ontzi gisa bataiatutako piezak. Baina iritsiko gara horra.

00:00:00 00:00:00

Berria berriketan

Zeinek egin du huts?

Unibertsitatean sartzeko proba du hizpide Berriketan saioaren atal honek. Aurten asko izan dira euskara azterketan 0 eta 2 arteko notak jaso dituzten ikasleak, Bilboko A ereduko ikastetxe batzuetan batez ere, eta horregatik zalaparta sortu dute zenbait ikaslek, irakaslek eta gurasok. Azterketa bigarren aldiz zuzendu ondoren, 0 kopurua nabarmen txikiagoa da, bai, baina nota horiek oso baxuak izaten jarraitzen dute. Irati Urdalleta Lete BERRIAko kazetariak afera honen inguruko xehetasunak eman dizkigu.

00:00:00 00:00:00

New Yorkeko munduak

Etxeko bandan

New York pozik ibili da egunotan. Knicks taldeak NBAko txapelketa irabazi du 53 urte geroago, eta halako poz eta batasun sentsazioa sortu da hirian.
Azken aurreko partidan ehuneko 99,6ko aukerak zituzten galtzeko. Bada, gainerako ehuneko 0,4 horri eutsi zioten, eta irabazi. Sinisteko beti dagoela aterabideren bat, beti aukera bat.

00:00:00 00:00:00

Berria berriketan

Esklabotzaren zimenduen gainean eraikia

Augustin-Zulueta jauregiaren historia du hizpide Berriketan saioaren atal honek. Gasteizko eraikin horretan Arabako Arte Ederren Museoa dago orain. XX. mende hasieran eraiki zuten Elvira Zuluetak eskatuta. Elvira Zulueta esklabista baten alaba zen, eta esklaboen lepotik lortutako dirua jaso zuen herentzian. Are, diru horrekin eraiki zuten, besteak beste, aipatutako jauregia. Peru Amorrortu Barrenetxea BERRIAko kazetariak kontatu digu Zuluetarren eta jauregiaren historia.

00:00:00 00:00:00

Berria berriketan

Gorrotoa, suak behar duen hauspoa

Migratzaileen kontrako jazarpena du hizpide Berriketan saioaren atal honek. Irlandan istilu larriak eragin eta migratzaileen aurkako ehizan aritu da eskuin muturreko jendea. Neurri berean ez, baina hemen ere izan dira istiluak migratzaileen kontra, Martzillan esaterako. Zizur Nagusian ere ituan dute adingabe migratzaileentzako zentroa. Gorroto diskurtsoak dira halako suak pizteko hauspoa, eta horren inguruko azalpenak eman dizkigu Edurne Elizondo Nafarroako Hitzako zuzendariak.

00:00:00 00:00:00