2012ko Diada gogoangarria izan zen, Kataluniaren independentziaren alde 1,5 milioi laguneko manifestazioa egin zutelako Bartzelonan, ANCk antolatuta. 2012ko abenduan CiUk eta ERCk galdeketarako bide orria zehaztu zuten. 2013ko urtarrilean subiranotasun adierazpena onartu zuen parlamentuak, eta abenduan, kontsultarako data (2014-11-09) eta galderak finkatu zituen. 2013ko Diadan 1,6 milioi laguneko giza katea egin zuten, 2014koan 1,8 milioiko bilkura. Argazkian, 2012ko Diadako martxako une bat.
Kataluniako kultura arloan, prozesu subiranistaren aldeko ekinbideak pertsonalak izan dira gehienetan. Kulturak prozesu horretan daukan garrantzia nabarmendu dute hiru idazlek.
Espainiari galdeketa egiteko eskumena eskatzea onartu dute CiUk, ERCk, ICVk eta PSCko hiru diputatuk parlamentuan. Abstentziora jo du CUPek, "Madrilen baimena eskatu beharrik ez dagoela" iritzita.
"Nahi duzu Katalunia Estatu bihurtzea?" izango da lehen galdera; baietz badiote, independentziaren alde egin ahalko dute. Rajoyk ez du onartuko galdeketa egiterik, "Konstituzioaren aurkakoa" delako.
Mugimendu subiranistak argi eta garbi zehaztu du Katalunia dela martxan den prozesuko subjektu politikoa. Beste herrialde katalanetatik, oro har, ondo hartu dute hori. Baina ez dute nahi ahazterik beraiek ere hor direla.
Milioi erdi lagunek baino gehiagok eman dute izena Biltzar Nazional Katalanak antolatutako giza kate independentistan. Ordezkaritza zabala bidali dute Euskal Herri osoko alderdi, sindikatu eta erakundeek.
Berria 
