Ramon Oleagak eta Jose Mari Esparzak 'Imago Vasconiae' liburua aurkeztu dute, Euskal Herriko lehen atlas kartografikoa. Hirurehun mapa jasotzen ditu, eta munduan zehar sakabanatuta daude horien jatorrizko mapak: Moskun, Buenos Airesen, Habanan eta Londresen, besteak beste.

Kenyan ehun pertsona baino gehiago hil dira uholdeen ondorioz. Kalterik handienak txabola auzoetan eragin dituzte euriteek, eta «arduragabekeriaz» jokatu izana egotzi diete herritarrek agintariei.

Associated Press berri agentziak munduko hainbat hedabidetan zabaldu zuen argazki bati buruz idatzi du Iñigo Aranbarri idazleak. Zein irudi bilatzen dituzten berri agentziek, nola zabaltzen dituzten, zergatik... hainbat gogoeta bildu ditu idazleak bere iritzi zutabean.

Adineko emakume talde baten salaketari erantzunez, Giza Eskubideen Europako Auzitegiak ebatzi du Suitzak giza eskubideak urratu dituela. Europako beste herrialdeek auzi horretan hartutako politikei ere eragin diezaieke erabakiak.

Jeltzaleek eta PSE-EEk berriz ere gehiengo osoarekin agindu ahalko dute, 39 eserleku baitituzte bi indarren artean.

EH Bildu izan da bototan gehien handitu den indarra, 2020tik 92.000 irabazita.

Parte hartzeak gora egin du: hautesleen %62,52k eman dute botoa, eta duela lau urte %50ek.

Oporrak Bakean programari esker, Saharako basamortuan edo errefuxiatu kanpalekuetan bizi diren haurrek uda Euskal Herrian igarotzen dute, bakean, osasuntsu eta ondo elikatuz. Aurtengo udan 300 haur hartzea da helburua.

Laura Penagos Rodriguez antzezlea hizkuntzen balioaz ari da iritzi zutabe honetan. Hizkuntza baten barruan unibertso oso bat gordetzen dela dio, eta, hori, munduko biztanle guztiona dela.

Europarlamentuak bide eman dio Natura Leheneratzeko Araudiari. Alderdi Popularrak kontrako botoa eskatu du, nekazarientzat kaltegarria izango dela argudiatuta.

Estatu bakoitzak ekosistemak leheneratzeko plan bat ondu beharko du.

Izotzean sortzen diren burbuila txikiak ikertzen dituzte Izotzalaben, Leioan. Han gordeta daude atmosferaren aztarnak. Burbuila fitxategi horri esker, ikertzaileek jakin dezakete nolakoa zen duela 800.000 urteko atmosfera, eta gerora zer bilakaera izan duen.

Ondorio argi bat atera dute: «Izotzean ikusten da nola gaur egun dugun berotzea orain arteko erregistroetan agertzen dena baino askoz handiagoa den».