Orain dela 44.000 eta 49.000 urte arteko neandertal baten hezurrak aurkitu dituzte Abaunzko kobazuloan. Ikerlarien hitzetan, aurkikuntza hori erreferentzia izango da mundu zabalean.

AHTaren obrak duela hogei urte hasi ziren, iragarri gabe hasi ere, eta, dirutza gastatu ostean, oraindik ez dira lanak amaitu.

Berriketan Podcastean hizpide hartu dute auzia Iñaki Petxarroman kazetariarekin. Euskal Herriko historia garaikideko borroka nagusienetako bat izan da proiektuaren kontrakoa. 

Nabarmen egin du behera ipurtargien populazioak: argi kutsadurak eta klima aldaketak zuzenean eragiten diete, eta haien habitatak galtzen ari dira monolaborantzaren eta pestiziden ondorioz.

Juan Arizaga Aranzadiko Ornitologia Saileko burua hegaztiei eraztunak jartzen ibiltzen da. Azken 25 urteetan 226 hegazti espezieri jarri dizkiete eraztunak. Horri esker, migrazio ibilbideen eta umatze eremuen inguruko informazioa eskuratu dute.

Irati Diez Virto zientzialaria animalien loa ikertzen aritu da. Maddi Astigarra Bergara ilustratzailearekin batera liburu bat argitaratu du: 'Nola egiten dute animaliek lo?'. Datu bitxiak bildu dituzte.

Xabi Martinez-Mendiak antsiolitikoen kontsumoa ikertu du nerabeen artean, eta ondorioztatu du mutil baino neska gehiagok hartzen dituztela.

Eusko Jaurlaritzak sexu bidez transmititzen diren gaixotasunak prebenitzeko kanpaina aurkeztu du, eta ohartarazi du gazteen artean infekzioak ugaritzen ari direla. 

Mikroplastikoak ikusezinak dira, baina ingurumena kutsatzen dute, eta gero gure gorputzera pasatzen dira. Ibaietan eta mendietan ere badaude.

Maria Reimondez idazle galiziarrak hilekoaren inguruko liburu bat idatzi du: Bárbaras. Haren hitzetan, hilekoa, gorputzaren prozesu bat ez ezik, prozesu sozial bat ere bada.