Podcastak
Euskal emakume zinemagileak tesi batean
Olatz Ovejero zinema zuzendari eta ikerlariak euskal emakume zinemagileen inguruko tesi bat osatu du, eta izan duten ikusezintasuna agerian utzi. Uxue Rey eta Ane Eslaba kazetariek gai horri heldu diote betaurreko moreak dituen podcastean: 'Berria FM'.
Podcastak
Gaztetxeak: lau hamarkadako bide oparoa
Lau hamarkadako historia dute gaztetxeek Euskal Herrian. 1980ko hamarkadan hasitako bidean, batzarra eta autogestioa izan dituzte oinarri, eta gaur egun indarrez jarraitzen dute, are eta eredu askotarikoagoak dituztela.
Venezuelako erasoa ulertzeko gakoak
AEBek Venezuelari egindako erasoa du hizpide 'Berriketan' saioaren atal honek. Urtarrilaren 3an, AEBetako armadako hegazkinek Venezuela bonbardatu zuten, eta Nicolas Maduro presidentea eta haren emazte Cilia Flores bahitu.
Euskara etorkizunean, zalantzaz betetako zeruertza
Euskararen Nazioarteko Egunaren harira, hiru eguneko podcast sorta bat ondu dute 'BERRIA Berriketan'-en euskararen etorkizuneko egoera marraztu nahian. Horretarako, Norantz doa euskara? Hego Euskal Herria 2036 proiekzio demolinguistikoa ikerlana baliatu dute.
Gernika: barkamen eskeak eta hutsune nabarmenak
Frank-Walter Steinmeier Alemaniako presidenteak eta Felipe VI.a Espainiako erregeak Gernikara egindako bisitak gogoetarako gako asko eman ditu: Alemaniak barkamena eskatu du Gernikako bonbardaketagatik, baina Espainiako erregeak ez. Bisita hori abiapuntutzat hartuta osatu dute 'Berria Berriketan'-en podcast hau.
Jokoa ez da errenta, nerabeentzat ere ez
Nerabe eta gazteek jokoarekin duten harremana gero eta arazo larriagoa da. Nafarroan eman dute abisua, baina arazoa Euskal Herri osoan hedatuta dagoela erakusten dute datuek. Horretan ari diren elkarteek ikastetxeek prebentzioan duten eginkizuna azpimarratu dute.
Gau Beltzaren loraldia
Gau Beltzak indar handia hartu du azken urteotan Euskal Herrian, kasik ahanzturatik berreskuratua izan ostean. Askotan Halloween-ekin nahasten bada ere, ezberdintasun handiak daude bi jaien artean, nahiz egun berean ospatu.
Arnasguneei eutsi, arnasberritzeko
Hizkuntzaren osasun orokorraren adierazle ezin hobea da euskararen arnasguneen egoera. Horren harira, aditu zenbaitek ohartarazi dute arriskua dagoela euskarak nagusitasuna galtzeko eremu horietan, euskara biziberritzeko politiketan asmatu ezean behintzat.
Bernedoko udalekua: sexu hezkuntzaz hitz egitearen beharra
Ika-mika izan da Bernedoko Euskal Udalekuari buruz azken aste hauetan. Zenbait hedabidek udalekuen funtzionamenduari buruz argitaratutako informazioek eta horrek sortutako harrabotsak agerian utzi dute sexu hezkuntzaz gehiago hitz egin beharra dagoela.