Harrabots handia eragin dute Errenterian kultur munduaren esparruan gertatu eta azken egunetan azaleratu diren bi kasuk. Haietako batean behintzat, zapuztu egin da mugimendu feministak eta erasoen biktimek egin nahi zuten bide isila. Biktimen borondatea errespetatzearen garrantzia azpimarratu du mugimendu feministak berriz ere.

Hainbat ikaslek iragarria zuen aurtengo Baxoko azterketan planto egin eta euskaraz erantzungo zituztela galderak. Orain, Hezkuntza Ministerioak Seaskari hitzeman dio azterketa horiek zuzenduko dituztela. 2028tik aitzina, gainera, azterketaren zati bat euskaraz egin ahal izanen da. Hori guztia dela eta, iragarritako mobilizazioak bertan behera utzi ditu Seaskak.

Drogen kontsumoaren arazoari heldu dio Leire Yue Ortubai kazetariak, eta arazo horretan murgilduta dagoen jendearekin hainbat elkarrizketa egin ditu erreportaje baterako. Lan horrekin irabazi du Komunikazioko GRALen BERRIA saria.

Azpeitiko Izarraizpe ikastola publikoko eta Urretxu-Zumarraga ikastolako ikasleek jaso dituzte sariak. La Basu abeslaria izan da ekitaldian, eta ikasleek elkarrizketa egin diote zuzenean.

Adituek ohartarazi dute pantailak gehiegi erabiltzeak adingabeen arreta ahultzen duela. Sare sozialak modu osasungarri eta kontzientean erabili behar direla diote.

Kezka batetik abiatutako gogoeta plazaratu du Ibai Zabala Gandarias egileak iritzi artikulu honetan: mutikoak eremu eta aisialdi kulturaletatik desagertzen ari direla. Horrek hizkuntzaren erabileran ere eragina daukalako susmoa du, eta proposamen zehatza egin du, 'Kultura-sorkuntza' izeneko ikasgaia erabiltzea LHtik batxilergora arte.

Xenometer izena dauka sare sozialetako mezu xenofoboak identifikatzen dituen tresnak. Nazioarteko ikerketa talde batek garatu du adimen artifiziala baliatzen duen proiektua.

Iñaki Iurrebaso Biteri soziolinguista euskaltzaletasunean transmisioak duen garrantziaz mintzatu da iritzi artikulu honetan. Haurtzarotik bidaia bat egiten du, amona gogoratuz.

Heroinaren eta hiesaren ondorioz hildakoen senideek bizi izandako mina jaso dute dokumental batean Anne Zufiaurrek eta Alex Areizagak. Urretxun eta Zumarragan 115 gazte hil ziren.