Pantailak eskoletan, bai ala ez. Cesar Rendueles (Gijon, Espainia, 1975) soziologoaren irudiko, hori baino konplexuagoa da eztabaida. Uste du eskolak ezin diola bizkarra eman teknologia digitalari; aitzitik, nabarmendu du ezinbestekoa dela ikasle kritikoak heztea.

Altzai eta Lakarriko gazteek dute muntatu Zuberoako inauterien aurtengo erritua. Martxoaren 30era bitarte, hamabi emanaldi izanen dituzte, eta, Altzai eta Lakarrin ez ezik, beste hamar herritan ere ibiliko dira.

Jarrera eta indarkeria matxistei buruz prentsan argitaratu zen guraso baten gutunaren harira idatzi du bere iritzi zutabea Jose Mari Pastor kazetari eta irakasleak. Erasoak sahiesteko emakume gazteei ematen zaizkien «erruaren itzala darien aholkuak» bainoago, erantzukizuna gizonezkoena dela gogorarazteko gomendioak hobesten dituzte biek ala biek.

Norberaren biografian markatuta gelditzen diren mugarrietako bat da lehen musua. Adituak bat datoz: nortasuna eraikitzen duten piezetako bat da lehen musua, eta nerabezaro-helduaro trantsizio horretan dauden sexu jarrerak hobeto ulertzen lagun dezake.

«Maite-gorrotoaren gainetik», euskarak bizitzeko balio duelako mezua ikasleei nola helarazi. Horixe du hizpide Lizar Begoña idazle eta irakasleak. Kalean euskararen presentzia oso eskasa delarik, oso zaila iruditzen zaio ikasgelatan euskararen inguruko interesa piztea. Uste du enpatiaz egin behar dela, eta bazterreko izatearen errealitatea aintzat hartuta.

Frantses elebakarra da eredu nagusia, oro har; lizeoan, hamarretik bederatzi ari dira frantses hutsean. Ama eskolan eta lehen mailan dira euskarazko irakaskuntzaren daturik onenak.

Eroski fundazioak elikadura ohiturei buruz galdetu die 8 eta 12 urte arteko hainbat umeri. Ohartarazi dute «gero eta zailagoa» dela haurrek pantaila aurrean pasatzen duten denbora mugatzea.

Hego Euskal Herriko 3.700 gazte ingururen erantzunak jaso ditu Gurea Geroa plataformak, osasun mentalari buruzko azterketa batean. Eusko Legebiltzarraren esku utzi dute txostena, eta buru osasunari begirako politika publiko berriak jorratzeko eskatu dute.

www.gureageroa.eus atarian kontsultatu daiteke inkesta.

Sare sozialek, liburuek eta telesailek guztiz aldatu dute nerabeek sexualitateaz duten ikuspuntua. Carmen Ruiz Repullo soziologoaren erranetan, neskak «hipersexualizaziora» bultzatzen dituzte harremanetan, eta mutilak, berriz, «sexu demostraziora».