Donostiako Bizilagunekin plataformako kideek desazkunde turistikoa defendatzeko fanzine bat sortu dute: 'Hau ez da cheesecake bat'. Amaia Ouladek eta Maider Uraldek azaldu dute edukia.

Jose Antonio Mask Augusto Pinocheten jarraitzaile eta eskuin muturreko hautagaiak irabazi ditu Txileko presidentetzarako bozak. Mireya Davila irakasle eta politologoak haren garaipenaren oinarrian dauden zioak aletu ditu: «Ondo jakin du segurtasunaren eta ordena publikoaren gaia mahaigaineratzen». 

Desgaitasun fisikoren bat duten pertsonek oraindik ere traba ugari topatzen dituzte eguneroko bizitzan. Azken finean, gizartean elbarritasunen bat duten pertsonen inguruan dagoen irudia oraindik «estigmatizatua» eta «estereotipatua» dagoela salatu dute.

2017-2018ko ikasturtean jarri zuten martxan Skolae proiektua, berdintasun eta hezkidetza balioak sustatzeko. Hasieratik eskuinaren kritika gogorrak jaso baditu ere, denborarekin egonkortu eta zabaldu egin da herrialde osoko eskoletara.

Etxebizitza erosteko mailegua ematerakoan Santander Bankuaren UCI entitatateak «iruzur» egin ziela salatu dute Asier Garciak eta Naiara Iglesiasek. Hipotekaren erreferentzia indize gisa IRPHa aplikatu zieten, eta hilero ordaindu beharreko diru kopurua etengabe igotzen joan zen, ordaindu ezinik geratu ziren arte. Kaleratu berri dituzte.

Gero eta indar handiagoa du eremu digitalak gizartean, eta emakumeen aurkako indarkeria ere sarritan gertatzen da esparru horretan. Biktimengan eragin nabarmena izan arren, politika publikorik ezak nabarmenago uzten du kaltea.

Guztira 21 pertsona epaitzen ari dira Gasteizen, abortatzera joandako andreei jazartzeagatik. Askabide klinikak ere jazarpen hori pairatu zuen, eta, hain zuzen, «garaipentzat» jo du epaiketa egitea bera, haren bidez «mugarri historiko bat» ezarri delakoan.

Espainiako Auzitegi Nazionalak Sidenorri egotzi dio Israelgo IMI arma ekoizleari baimenik gabe produktuak saltzea eta gizateriaren aurkako delitu baten konplize izatea. Enpresa horretako zuzendaritzako hiru kide ikertzen ari dira.