Ola Arafat Iruñean bizi da. Salam Gaza elkartea sortu du. «Gure lehentasuna jendea salbatzea da; 500 familiak osatutako talde bat laguntzen ari gara. Bakarrik gelditu diren 280 haur daude haien artean»

Zumaiako surflariak ISA erakundeak antolatutako Munduko Txapelketa irabazi zuen hilaren 14an, Puerto Ricon. BERRIAk egin dion elkarrizketan dio txapelketak hobeto kudeatzen ikasi behar duela: «Txapelketetan momentu txiki asko daude, eta horiek hobeto kudeatzen jakin behar dut, konfiantza handiagoz».

'Eraukon. Eskuaren mintzoa' dokumentala udaberrirako egongo da prest. Oroitz Zabala eta Iban Toledo orain ari dira ikus-entzunezkoa grabatzen. Zirrara sentitu zuten hizkuntza baskonikozko idazkunik zaharrena aurkitu zela jakitean: «Egun batetik bestera bihurtu zen gure herriaren pop ikono bat».

BERRIAk adimen artifizialaren erabilera arautu du. Arduradunekin hala erabakitakoan baliatu ahalko da, baina betiere egunkariaren irizpideen eta kode deontologikoen barruan, eta ez du giza jarduna ordezkatuko. Estilo liburuan txertatu dute dekalogoa.

Hilekoaren inguruko isiltasuna apurtu, eta mitoak eta tabuak bazter utzi: hori da Nora Pascual (Iruñea, 1990) hezitzaile menstrualaren lana. Horretarako, hainbat tailer egin dituzte Iruñean, eta nabarmendu du beharrezkoa dela hitz egitea eta informazio zehatza jasotzea.

Mozambikeko herritarrak altxatu egin dira gobernuan mende erdia daraman alderdiaren aurka, eta protesta bortitzak izan dira azken hilabeteetan.

CEAP Bakerako Ikerketa eta Ekintza Zentroko ikerlaria da Aventina Matusse (Maputo, 1984), eta haren ustez, emakumeak protestetan agertu izan badira ere, «zer egin agindu diete».

Bizi-bizi mintzatu da A.A. [bere izenik ez du eman nahi izan], Izpurako eskola publikoko ikasle ohia (Nafarroa Beherea). Errientarengandik jasan zituen sexu abusuak kontatu ditu. 

Beatrice Ardoinek duela hiru aste publikatu zuen lekukotza bat, eskola berean gertatutakoak kontatzeko, eta orain, salaketa gehiago izan dira.

Talibanak 2021eko abuztuan heldu ziren agintera Afganistanen, baina ordurako sasian bizi zen Malalai Joia ekintzailea (Farah, Afganistan, 1978). Katalunian bizi da, erbestealdian. Handik irakasten die telematikoki Afganistango neskei.