Hendaiako atxikitze zentroa du hizpide Berriketan saioaren atal honek. Cimade elkarteak iazko datuen bilana eman du argitara, eta atxikitze zentroen «gehiegikeria orokortuaz» ohartarazi du. Geroz eta denbora luzeagoz atxikitzen dituzte migratzaileak, baina kanporatze gehiego egin gabe. Leire Casamajou Elkegarai BERRIAko kazetariak eman dizkigu Hendaiako atxikitze zentroaren inguruko xehetasun guziak.
Atal hau Garazi Karrerak editatu du. Berriketan podcasteko doinuak Lumi taldeak egin ditu.
Hodeien saretzea du hizpide Berriketan saioaren atal honek. NASAk egindako ikerketa baten arabera, poliki-poliki baina etenik gabe ari dira hodeiak desagertzen. Kezka piztu du horrek, joera horrek jarraitzen badu litekeena baita klima aldaketa areagotzea. Enekoitz Telleria Sarriegi BERRIAko Bizigiro saileko kazetariak eman dizkigu ikerketa horri buruzko azalpenak.
Atal hau Uxue Perezek editatu du. Berriketan podcasteko doinuak Lumi taldeak egin ditu.
Festetan animaliak erabiltzea du hizpide Berriketan saioaren atal honek. Hamar urteren ondotik, Eibarko Udalak sokamuturra antolatu du aurtengo sanjoanetan, atzean utzitako tradizioak atzera berriz antolatu daitezkeela agerian utzita. Sokamuturraren aurkako protestak egin dituzte Eibarren, eta beste herri batzuetan ere protestak eta sinadura bilketak egiten ari dira animalien kontrako tratu txarren aurka. Miren Mujika Telleria BERRIAko kazetariak eman digu gertatutakoaren berri, eta Maialen Sagues Rojo NOR talde antiespezistako bozeramaileak azaldu digu zergatik ez liratekeen halako ekitaldiak antolatu beharko.
Atal hau Uxue Perezek editatu du. Berriketan podcasteko doinuak Lumi taldeak egin ditu.
Unibertsitatean sartzeko proba du hizpide Berriketan saioaren atal honek. Aurten asko izan dira euskara azterketan 0 eta 2 arteko notak jaso dituzten ikasleak, Bilboko A ereduko ikastetxe batzuetan batez ere, eta horregatik zalaparta sortu dute zenbait ikaslek, irakaslek eta gurasok. Azterketa bigarren aldiz zuzendu ondoren, 0 kopurua nabarmen txikiagoa da, bai, baina nota horiek oso baxuak izaten jarraitzen dute. Irati Urdalleta Lete BERRIAko kazetariak afera honen inguruko xehetasunak eman dizkigu.
Migratzaileen kontrako jazarpena du hizpide Berriketan saioaren atal honek. Irlandan istilu larriak eragin eta migratzaileen aurkako ehizan aritu da eskuin muturreko jendea. Neurri berean ez, baina hemen ere izan dira istiluak migratzaileen kontra, Martzillan esaterako. Zizur Nagusian ere ituan dute adingabe migratzaileentzako zentroa. Gorroto diskurtsoak dira halako suak pizteko hauspoa, eta horren inguruko azalpenak eman dizkigu Edurne Elizondo Nafarroako Hitzako zuzendariak.
Augustin-Zulueta jauregiaren historia du hizpide Berriketan saioaren atal honek. Gasteizko eraikin horretan Arabako Arte Ederren Museoa dago orain. XX. mende hasieran eraiki zuten Elvira Zuluetak eskatuta. Elvira Zulueta esklabista baten alaba zen, eta esklaboen lepotik lortutako dirua jaso zuen herentzian. Are, diru horrekin eraiki zuten, besteak beste, aipatutako jauregia. Peru Amorrortu Barrenetxea BERRIAko kazetariak kontatu digu Zuluetarren eta jauregiaren historia.
Vida Nueva zentro ebanjelista du hizpide Berriketan saioaren atal honek. Newtrall hedabideak han egondako bost lagunen testigantza gogorrak zabaldu ondoren, hiru emakumek salaketa paratu dute eta Iruñeko 4. epaitegian ikertzen ari dira auzia. Gainera, zentroak aurrerantzean ezin izanen du diru publikorik jaso. Vida Nuevan egon direnek salatu dute exorzismoak, tratu txarrak, konbertsio terapiak eta ezkontza behartuak izan direla leku hartan. Isabel Jaurena BERRIAko Gizarte saileko koordinatzaileak eta Ion Orzaiz Nafarroako gizarte gaietako kazetariak kontatu dizkigute auziaren berritasuna.
AEBen eta Iranen arteko ituna du hizpide Berriketan saioaren atal honek. Bi aldeek iragarri dute memoranduma sinatuko dutela ostiralean, Suitzan, bake hitzarmena lortzeko bidean. Ormuzko itsasartearen kontrolaz eta Iranen programa nuklearraz negoziatzeko 60 egun izanen dituzte ordutik aurrera. Horren inguruan aritu gara Igor Susaeta BERRIAko Mundua saileko koordinatzailearekin.
1976ko euskal musika du hizpide Berriketan saioaren atal honek. Urte berezia izan zen hori Hego Euskal Herrian: Franco diktadorea 1975eko hondarrean hil zen, eta, 40 urteko diktaduraren ondoren, 1977an lehenbiziko aldiz egin ziren hauteskundeak. Hori dela eta, musika eta politika eskutik helduta ibili ziren, eta euskal musikariek kanta esplizituen bidez egin zuten borrokarako deia. Garbiñe Ubeda BERRIAko kultur kazetariak ekarri dizkigu gogora garai hartako musika eta giroa.
EBko Migrazio eta Asilo Ituna du hizpide Berriketan saioaren atal honek. Ekainaren 12an sartu zen indarrean, eta Europako Batasuneko migrazio politika aldatu eta bateratuko du, baita gogortu ere. Mugak gehiago kontrolatuko dituzte migratzaileen eskubideen kaltetan. Beñat Mujika Telleria BERRIAko Mundua saileko kazetariak aletu digu itunak jasotzen duena.
Atal hau Uxue Perezek editatu du. Berriketan podcasteko doinuak Lumi taldeak egin ditu.
Nafarroako Parlamentuko ikerketa batzordea du hizpide Berriketan saioaren atal honek. Nafarroako Gobernuak Servinavar eta Acciona enpresei esleitutako sei obra publikoak aztertu dituzte, eta gehiengoak onartu duen ondorioa da ez dela frogatu ustelkeriarik egon denik. Hala ere, gardentasuna hobetzeko neurriak hartzeko beharra ikusi dute. Joxerra Senar BERRIAko politika gaietako kazetariak azaldu dizkigu batzordearen ondorioak.
Hogeita bostgarren ataleko gonbidatua Xabier Gantzarain idazlea eta arte kritikoa izan da. Eta aukeratu duen liburua, Harkaitz Canoren “Twist’’ (Susa, 2011).
Hodeien saretzea du hizpide Berriketan saioaren atal honek. NASAk egindako ikerketa baten arabera, poliki-poliki baina etenik gabe ari dira hodeiak desagertzen. Kezka piztu du horrek, joera horrek jarraitzen badu litekeena baita klima aldaketa areagotzea. Enekoitz Telleria Sarriegi BERRIAko Bizigiro saileko kazetariak eman dizkigu ikerketa horri buruzko azalpenak.
Atal hau Uxue Perezek editatu du. Berriketan podcasteko doinuak Lumi taldeak egin ditu.
Ekainaren 27an, larunbatarekin, kontzertua emango du Arberatzen (Nafarroa Beherea), EHZ jaialdian, Niña Coyote eta Chico Tornado taldeak. Biko horretako bateria jotzaile Ursula Strong elkarrizketatu dugu, eta larunbateko zein igandeko euskal taldeen partaidetza aipatu dugu, talde bakoitzaren kantu banarekin.
1996an lehertu zen alardeen gatazkaren muina, emakumeen parte hartzearekin loturikoa. Irunen ekainean, eta Hondarribian irailean, emakumeek urte hartan egin zuten, lehenbiziko aldiz, desfilean sartzeko ahalegina. Ez zuten lortu. Eta zera jaso zuten bueltan: biolentzia. Zauria borroka bihurtuta, 30 urte egin dituzte ordutik espaloitik erdigunera bidea urratzen; baina, oraindik, andreei gizonen gisara festaren parte izatea eragozten dieten alarde baztertzaileak dira nagusi bi hirietan. Noren babesarekin? Noiz arte? Bada bide orririk? Maite Asensio Lozano izan dugu solaskide, eta harekin agurtu dugu Berria FMren denboraldia. Azkena dugu hau, entzule.
Festetan animaliak erabiltzea du hizpide Berriketan saioaren atal honek. Hamar urteren ondotik, Eibarko Udalak sokamuturra antolatu du aurtengo sanjoanetan, atzean utzitako tradizioak atzera berriz antolatu daitezkeela agerian utzita. Sokamuturraren aurkako protestak egin dituzte Eibarren, eta beste herri batzuetan ere protestak eta sinadura bilketak egiten ari dira animalien kontrako tratu txarren aurka. Miren Mujika Telleria BERRIAko kazetariak eman digu gertatutakoaren berri, eta Maialen Sagues Rojo NOR talde antiespezistako bozeramaileak azaldu digu zergatik ez liratekeen halako ekitaldiak antolatu beharko.
Atal hau Uxue Perezek editatu du. Berriketan podcasteko doinuak Lumi taldeak egin ditu.
Unibertsitatean sartzeko proba du hizpide Berriketan saioaren atal honek. Aurten asko izan dira euskara azterketan 0 eta 2 arteko notak jaso dituzten ikasleak, Bilboko A ereduko ikastetxe batzuetan batez ere, eta horregatik zalaparta sortu dute zenbait ikaslek, irakaslek eta gurasok. Azterketa bigarren aldiz zuzendu ondoren, 0 kopurua nabarmen txikiagoa da, bai, baina nota horiek oso baxuak izaten jarraitzen dute. Irati Urdalleta Lete BERRIAko kazetariak afera honen inguruko xehetasunak eman dizkigu.
