Ez duzu abusatuko

Berriketan

Ez duzu abusatuko

2024ko ekainaren 10a

Elizako sexu abusuak ditu hizpide Berriketan saioaren atal honek. Haurra zela Patxi Ezkiaga idazle eta elizgizonak sexu abusuak egin zizkiola salatu du Marisol Zamorak, eta atzetik beste hiru salaketa etorri dira. Biarnoko ikastetxe katoliko batean jasotako sexu abusuen eta indarkeriaren berri eman dute zortzi euskal herritarrek. Bi kasuen berri eman digute Jone Bastida eta Iñaki Etxeleku BERRIAko kazetariek.

Berriketan podcasteko doinuak Lumi taldeak egin ditu.

Atalaren bukaeran, BERRIAn dokumentazio lanetan aritzen den Maddi Ane Txoperenak egunkarian argitaratutako esaldi bat nabarmendu du.

Gaiak

Atal gehiago

Arrazakeria karrikan dabil

2025eko ekainaren 27a

Lo vimos en Irun taldea du hizpide Berriketan saioaren atal honek. Mezu eta irain arrazistak zabaltzen dituzte han, eta larunbatero herritar taldeak antolatzen dituzte komunitate magrebtarra biltzen den lekuetara joan eta bizilagun horiei jazartzeko. Antxeta irratiak ikerketa egin du gai horri buruz, eta Aimar Lopez Erasun kazetariak azaldu dizkigu xehetasunak.

00:00:0000:00:00

Israel, Iran eta AEBen mutur luzea

2025eko ekainaren 25a

Ekialde Hurbileko egoera du hizpide Berriketan saioaren atal honek. Israelek Iran eraso ondotik, bi herrialdeen arteko eraso katea hasi zen, harik eta AEBk muturra sartu eta Irango gune nuklear garrantzitsuenen kontra bonbak jaurti zituen arte. Egoera korapilatsu horren analisia egin digu Arantxa Elizegi Egilegor BERRIAko editoreak.

00:00:0000:00:00

Itzalaldia argitu nahian

2025eko ekainaren 23a

Apirilaren 28ko itzalaldiaren arduradunak ditu hizpide Berriketan saioaren atal honek. Espainiako Gobernuaren arabera, Red Electricaren eta argindar konpainien erantzukizuna izan zen itzalaldia. Egun horretan gertatu zena eta eskura ditugun datuekin zer ondorio atera ditzakegun azaldu digu Irune Lasa BERRIAko Ekonomia saileko kazetariak.

00:00:0000:00:00

Gazara ezin iritsi

2025eko ekainaren 20a

Gazarako mundu martxa du hizpide Berriketan saioaren atal honek. Mundu osoko 4.000 aktibista inguru Egiptora joan dira, basamortua oinez zeharkatu eta Rafahko pasabidean protesta egiteko. Egiptotik Palestinan sartzeko bidea da hori, eta Israelek ez du muga horretan prest dagoen laguntza humanitarioa Gazan sartzen uzten. Martxa ezin izan dute egin, poliziaren errepresioa dela eta. Maite Gartzia aktibista Egipton da, martxan parte hartzeko asmoz joan zen, eta gertatutakoa kontatu digu.

00:00:0000:00:00

Zerua eta lurra gorriz tindatuta

2025eko ekainaren 18a

Israel eta Iranen arteko gerra du hizpide Berriketan saioaren atal honek. Israelek eraso egin zion Irani ostegunean, Teheranek arma nuklearrak garatzeko omen duen programa gelditzeko aitzakiarekin. Iranek erantzun egin du, eta ordutik elkarri eraso egiten ari dira bi herrialdeak. Gatazka hori aztertu dugu Igor Susaeta BERRIAko Mundua saileko kazetariarekin.

00:00:0000:00:00

Milagroko gerezi ustelak

2025eko ekainaren 16a

Santos Cerdanen auzia du hizpide Berriketan saioaren atal honek. PSOEko antolakuntza idazkari ohia pertsona oso garrantzitsua izan da Nafarroako eta Espainiako gobernu sozialistak eraikitzerako tenorean. Orain, ustelkeria auzi batean leporaino sartuta dago. Cerdani buruz eta auzi honetaz dakigunari buruz aritu gara Joxerra Senar BERRIAko kazetariarekin eta Jon O. Urain BERRIAko editorearekin.

00:00:0000:00:00

BSH: denbora amaitzear

2025eko ekainaren 13a

BSH lantegiaren itxiera du hizpide Berriketan saioaren atal honek. Abenduan iragarri zuen enpresak Ezkirotzen (Nafarroa) duen fabrika itxiko zuela, eta tarte honetan erakundeen arteko negoziazioak eta langileen borrokak izan dira. Astelehenean itxiko dutela baieztatu du BSHk, baina uztailera arte egon liteke lantegia ez ixteko aukerarik. Lan gatazka horren xehetasunak eta egoera zertan den azaldu digu Joxerra Senar BERRIAko Ekonomia saileko kazetariak.

00:00:0000:00:00

Tiketik ez, eskerrik asko

2025eko ekainaren 11

Txosnen egoera eta Ticket Bai sistemaren auzia ditu hizpide Berriketan saioaren atal honek. Herri festen antolaketa arriskuan dela salatu dute zenbait jai batzordek, eta txosnei balioa emateko ekinbidea abian paratu. Hiru lagunek eman dizkigute gaiari buruzko xehetasunak: Olatz Silva BERRIAko kazetariak, Iñaki Diaz Zuñiga Oreka IT enpresako finantza talde buruak eta Xabier Lasa Gasteizko txosna batzordeko kideak.

00:00:0000:00:00

Jazarleari jazarri?

2025eko ekainaren 6a

Kaleko saltzaile baten defentsan aritu zen emakumearen kontrako epaiketa du hizpide Berriketan saioaren atal honek. 2023ko udan gertatu zen, Bilboko Kale Nagusian. Udaltzainak ahaleginak egiten ari ziren kaleko saltzaile bat bortizki atxikitzeko, eta zenbait herritarrek buru egin zieten Poliziei, saltzailea bakean utz zezaten. Haietako batek epaiketa izan du, udaltzain bati buruan ostikada jotzea leporatzen baitiote. Epaiketa horretaz eta kaleko saltzaileen kontrako jazarpenaz aritu gara Gotzon Hermosilla BERRIAk Bilbon duen delegazioko kazetariarekin.

00:00:0000:00:00

Nork bere Aresti

2025eko ekainaren 4a

Gabriel Aresti du hizpide Berriketan saioaren atal honek. Aresti hil zenetik 50 urte beteko dira bihar, eta hura gogoratzeko jarduera eta argitalpen asko izanen dira aurten. Baina, zergatik aldarrikatzen du mundu guziak Aresti? Zergatik itzultzen gara behin eta berriro berarengana? Galdera horiei buruz hausnartu du Iñigo Astiz BERRIAko kultur kazetariak.

00:00:0000:00:00

Podcastak

Berria FM

Protokolo gorpuztuak

Eraso matxistei aurrea hartu eta erantzuteko tresna gisa baliatzen ditugu protokoloak. Baina, zergatik dira benetan garrantzitsuak? Galdera horrekin abiatu dugu Berria FMren hirugarren denboraldiko azken saioa. Eta ez da edonolakoa izan: Hezkidetza eta Pedagogia Feministen III. Kongresuan grabatutako zuzeneko saio berezia izan da, jendaurrean partekatua. 'Protokolo gorpuztuak: komunitatean, hezkuntzan eta kirolean' izeneko solasaldian, lau ahots bildu ditugu mahaiaren bueltan: Marivi Fernandez Roldan, Donostiako Berritzeguneko zuzendaria; Laura García Rodriguez eta Lidia Latorre Bañares, Amarauna Basket Fem sareko kideak; eta Idoia Arraiza Zabalegi, Emagineko kidea. Elkarri entzunez, esperientziak eta erronkak josi ditugu, protokoloek erreparazioa, ardura kolektiboa eta babes eraginkorra bermatzeko zer behar duten elkarrekin hausnartzeko.

00:00:0000:00:00

New Yorkeko munduak

Ezusteko pozak

Zapato Azule osteko igande beltzari bukaera duina emateko, eta Mutrikun bainua hartu ondoren, pizza afaltzeko plana egin genuen. Ondarroako Basati pizzategira hurreratu ginen Mutrikutik bueltan. Han pizzak hartu eta autora berriz, etxera bidean. Gure autoak baditu urte batzuk, Volkswagen Touran bat da, eta aukeran zazpi lagun sar daitezke bertan. Hainbat eserlekurekin hartu genuen familian edo lagun artean txangoak egiteko. Umeak bertan hasi dira, ume txiki izatetik, aulki txikietan, nerabe izatera.

Baina Artabide kalean, Lekeitiorako bidean buelta hartzera nindoala gurpila zulatu zitzaidan. Ordezko gurpilaren bila hasi ginen semea eta biok. Zazpi aulkien azpian bilatu eta ezer ez, auto azpian begiratu eta ezer ez. Azkenean, Youtube-n aurkitu genuen bideo batek esan zigun Touranak ez duela ordezko gurpilik. Garabiari deitu behar izan genion.

Hantxe, Artabiden, bada plazatxo bat, nondik portua eta itsasoa ikusten diren. Hantxe eseri ginen garabiaren zain. Semeak esan zidan, “badakit zerri buruz egin behar duzun zutabea, gertatu zaigun honi buruz. Begira, gurpila zulatu eta garabiaren zain gaude gaueko orduetan. Baina beste alde batetik, pentsa, izarrei begira ari gara pizza afaltzen. Ezusteko poza esaten zaio horri. Gutxien espero duzunean datorren zorionari. Bestela ez genituen elkarrekin igaroko ordutxo hauek”.

Arrazoia eman nion. Hemen duzue beraz uda aurreko azken zutabea, ezusteko pozez. Iraila arte, izan zuek ere zoriontsu.

00:00:0000:00:00

Berriketan

Arrazakeria karrikan dabil

00:00:0000:00:00

Hizlandia

Joseba Zulaika Irureta: Mikel Reparazen 'Amerikaren arrakalak'

Hamaseigarren ataleko gonbidatua Joseba Zulaika Irureta antropologo eta idazlea izan da. Eta aukeratu duen liburua Mikel Reparazen Amerikaren arrakalak (Alberdania, 2024).

Atal honetan erabilitako kantuak:
· BILLIE HOLIDAY - Strange Fruit
· WOODY GUTHRIE - All You Fascists
· JOSEBA B. LENOIR - Hamabi lagun hilkor · THOMAS NEWMAN - American Beauty
· BOB DYLAN - Masters of War
· THE DRONES - Oh My

00:00:0000:00:00

Berriketan

Israel, Iran eta AEBen mutur luzea

00:00:0000:00:00

New Yorkeko munduak

Denon bizitza

JFK aireportura goiz iritsi ginen kontrol guztiak garaiz igarotzeko. Uda bezperetan, bidaiari andana bildua zen bertara eta ilarak luzeak ziren. Kontroletik pasa eta gero, halako batean, konturatu ginen arten pare bat ordu genituela Atlantikoa zeharkatuko zuen hegazkina hartu orduko. Jatetxe batean eseri eta zerbait afaltzea otu zitzaigun. Batean eta bestean begiratu ondoren, amerikar itxurako batera bildu ginen azkenean, badakizue, garagardoak, hanburgesak, patatak eta horrelako litxarkeriak eskaintzen dituzten horietako bat; bezeroak barran eserita kirola ikusten telebistetan, tipo horretako bat.

Baina tabernara sartzeko ere ilara luzea zegoen. Arraroa zen, jatetxe barrura begiratu eta ez baitzen ikusten beteta, mahai asko zeuden hutsik. Halako batean, zerbitzari bat hurreratu zitzaigun ilarara. “Ez bota niri errurik, Trump presidenteari eskatu kontuak. Mahaiak libre daude baina ez daukagu nahikoa langile haiek zerbitzatzeko ezta sukaldean lan egiteko ere, eta horregatik itxaron beharko duzue. Migratzailerik gabe ez dago afaririk”, bota zigun haserre, “Trumpi esan”. Nonbait langileek ez zuten handik agertu nahi deportazioen beldur, nahiago zuten lanik ez egin kanporatuak izatea baino.

Erabaki politikoek aldatu egiten duten bizitza. Denon bizitza.

00:00:0000:00:00