Euskararen Nazioarteko Egunaren harira, hiru eguneko podcast sorta bat ondu dute 'BERRIA Berriketan'-en euskararen etorkizuneko egoera marraztu nahian. Horretarako, Norantz doa euskara? Hego Euskal Herria 2036 proiekzio demolinguistikoa ikerlana baliatu dute.

'Euskaldunon Egunkaria'-tik hasi eta BERRIAraino, makina bat urte egin ditu Irene Arrarats Lizeagak bi egunkariotako euskara arduradun gisa. Euskaltzain oso izendatu berri dute, eta euskarazko egunkari nazional biek akademiaren eredua testu idatzietara ekartzeko egindako bidea azpimarratu du.

Zuberoatik Bizkaira joango da 24. Korrika, Atharretzetik Bilbora zehazki. 'Euskara gara' leloa hartuta beteko ditu kaleak, zubiak eta tunelak... Aste honetan aurkeztu dute ekitaldia, Gasteizen, eta Errigorari omenaldia egiteko baliatuko dutela iragarri.

Parisko Liburutegi Nazionaletik Baionako Euskal Museora ekarri dute euskaraz argitaratutako lehen liburua, Bernart Etxepareren 'Linguae Vasconum Primitiae' eta horrek galdera hau sortu die hainbati, besteak beste, artikuluaren egile Pauline Guelleri: nola da posible liburu hori ez egotea Euskal Herrian?

Atzerritik Euskal Herrira iritsi berri diren ikasleak euskaran murgiltzeko zerbitzua da Eusle, Eusko Jaurlaritzak eskola publikoetan martxan jarritakoa. 60 ikaslerekin hasi zen 2019-2020ko ikasturtean, eta 2.300 dira orain. Haietako batean egon da BERRIA.

Eusko Ikaskuntzak 2025eko Manuel Lekuona saria emango dio Gloria Totoricaguena Egurrolari, euskal diasporari buruz egindako ikerketa lan mardulagatik. Totoricaguenak esan du ikertzeko ateak ireki dizkioten diasporako kide guztientzat ere badela saria. 

Martxelo Otamendi 'Euskaldunon Egunkaria'-ko eta BERRIAko zuzendari ohiarekin elkarrizketa liburua argitaratu dute. Otamendik ia bizitza osoa eman du euskarazko kazetaritzari lotuta, eta horren inguruko hamaika kontu azaldu ditu liburu horretan. 

Euskal Herriko eskoletan euskaraz irakasteko erabili ziren lehen liburuetako bat izan zen Xabiertxo. 1925. urtean argitaratu zuten lehen aldiz. Euskararen aurkako giroa oso bortitza zen garai hartan.

Bermeon txo erabili izan dute orain arte gazteek elkar agurtzeko, baina azkenaldian bro erabiltzen dute. Hiru letra baino ez dituzte bi hitzek, baina badago aldea bata erabili edo bestea erabili. Onintza Enbeita bertsolariak hausnarketa interesgarria egiten du iritzi artikulu honetan.