Estimu handia hartu du hainbaten artean azken urteotan: Internet bidez artikulu bat erosi eta herriko edo etxetik gertuko denda batean uzteko eskatu. Eredu horrek arazoak sortzen ditu denda eta banatzaileentzat, banaketa enpresa eta bezeroentzat onuragarria bada ere.

Desgaitasun fisikoren bat duten pertsonek oraindik ere traba ugari topatzen dituzte eguneroko bizitzan. Azken finean, gizartean elbarritasunen bat duten pertsonen inguruan dagoen irudia oraindik «estigmatizatua» eta «estereotipatua» dagoela salatu dute.

Legeak egiten ari dira Internetek eta gailu elektronikoek gazteengan dituzten kalteak eta arriskuak mugatzeko. Adituen iritziz, ordea, legeek mugak izango dituzte, gazteek eurek eta euren familiek arduraz erabiltzeko konpromisoa hartu ezean.

Emakumeen bizitzaren fase bati lotu ohi zaio menopausia. Hilekoa izateari uzteko sasoia da, eta gorputzak nabaritzen du aldaketa hori, batzuetan sintoma askotarikoekin. Euskal Herriko zenbait administraziok osasun arta berezitua ematen diote menopausiari: besteak beste, Nafarroan eta Ipar Euskal Herrian.

800 megawatteko zentral hidroelektriko bat egin nahi du Accionak Nafarroan, Alaitz mendian. Otao herriko lurretan, bi urtegi eraikiko lituzkete, eta goikotik behekora 640 metroko jauzia egongo litzateke. Zentrala eraikiko balitz, Nafarroan kontsumitzen den argindarraren %43 sortuko luke azpiegiturak, ahalmen betean arituko balitz.

Etxebizitza erosteko mailegua ematerakoan Santander Bankuaren UCI entitatateak «iruzur» egin ziela salatu dute Asier Garciak eta Naiara Iglesiasek. Hipotekaren erreferentzia indize gisa IRPHa aplikatu zieten, eta hilero ordaindu beharreko diru kopurua etengabe igotzen joan zen, ordaindu ezinik geratu ziren arte. Kaleratu berri dituzte.

Euskal Herriko zeruetan ikus daitekeen espezierik berezi eta mehatxatuenetako bat da sai zuria. Azken urteotan haren habitatak babesteko egindako ahaleginak ez du espeziearen arriskua gainditu, hura mehatxatzen duten arrazoiak ere ez direlako desagertu.

Gero eta indar handiagoa du eremu digitalak gizartean, eta emakumeen aurkako indarkeria ere sarritan gertatzen da esparru horretan. Biktimengan eragin nabarmena izan arren, politika publikorik ezak nabarmenago uzten du kaltea.

Ignacia Zabalo Ballarin XX. mendearen hasierako artista donostiarrak 'Nor-nai' ezizenaz sinatu zituen bere artelanak. Hala, emakumea zela ezkutatzen zuen, besteak beste. Euskal Irudigileak elkarteak eta Donostia Kulturak Zabalo omentzea erabaki dute, egindako lanagatik.